«Поэзия менімен егіз бе едің?» атты поэзия кеші

Интернатымыздың келесі үйірме жетекшілері: «Сырғалым» үйірмесінен Г. Ж. Мақсұтова, «Қазақтың 100 әні» үйірмесінен Ш. Ш. Нүсіпова, «Жаңалық  жаршысы» үйірмесінен Л. С. Телебаева бірлесіп, «Поэзия менімен егіз бе едің?» атты жалпы мектепішілік  поэзия кешін ұйымдастырды. Келесі тұлғалар кешіміздің қонақтары болды: Қазақстан Республикасы кино қайраткері, өнер үздігі, Өнер Академиясының профессоры, Райымбек ауданының құрметті азаматы,  Мұқағалитанушы  Шаяхмет Имашұлы  және философ, Жетісу аудандық ардагерлер ұйымының төраға орынбасары Әбдірашид Бәкірұлы. Кеш барысында Мұқағали шығармашылығынан өлеңдер оқылып, өмір жолдарымен таныстыратын құнды да мағыналы деректер айтылды, содан оқушыларымыз рухани азық алды.