Қабылдау емтиханы туралы ақпарат

Республикалық физика-математика мектебінің 7-сыныбына оқуға түсу үшін білім беру грантын алу мақсатындағы конкурстық іріктеу емтиханы 2026 жылғы 25 сәуірде өтеді.

Тіркелу және емтихан уақыты

1-ағын:

• Тіркелу: 07:00–08:30
• Емтихан: 09:00–11:00

2-ағын:

• Тіркелу: 13:00–14:30
• Емтихан: 15:00–17:00

Нұсқаулықпен танысу және емтихан материалдарын тарату уақыты емтиханның жалпы ұзақтығына кірмейді.
Емтиханның ұзақтығы – 120 минут. Қосымша жауап парағын толтыру үшін 15 минут беріледі.

Маңызды талаптар

• Тіркелуге кешіккен үміткерлер конкурстық іріктеуге жіберілмейді.
• Үміткер өзімен бірге:
  • фотосуреті (3×4) жапсырылған басып шығарылған рұқсат қағазын;
  • қара сиялы екі қаламды алып келуі тиіс.

Қосымша ақпарат

• Жапсырмасыз бөтелкедегі ауыз су алып кіруге рұқсат етіледі.
• Киім үлгісі ұқыпты әрі ыңғайлы болуы қажет.
• Бөгде заттарды алып кіруге қатаң тыйым салынады.

Емтихан өткізу тәртібі

Үміткер барлық есептеулерді емтихан кітапшасында орындайды, бос орындарды қарановик ретінде пайдаланады және соңғы жауаптарды жауап парағына көшіреді.
Қосымша түрде жауаптар жауап парағының көшірмесіне де енгізіледі.

Жауап парағының көшірмесі тек нәтижелерді салыстыру үшін қолданылады және заңды күші жоқ.
Нәтижелерді тексеру негізгі жауап парағы негізінде жүргізіледі.

Әр үміткерге бір ғана жауап парағы беріледі. Сондықтан оны толтыру кезінде ерекше мұқият болу қажет.