VI Халықаралық ашық шығармашылық IMPACT олимпиадасы өтті

2024 жылы 8-13 қаңтар аралығында Алматы қаласы РФММ филиалында математика, физика және информатика бойынша олимпиадалық резерв мұғалімдері мен жаттықтырушыларының арасында VI Халықаралық ашық шығармашылық IMPACT олимпиадасы өтті.

Бұл бірегей іс-шараға Қазақстан, Грузия, Қырғызстан, Моңғолия, Ресей, Тәжікстан, Өзбекстан және Болгарияны қоса алғанда, әлемнің 10 елінен 400-ден астам қатысушы қатысты. Қатысушылар арасында РФММ, НИШ, БИЛ, Quantum STEM school, Тамос, Физтех сынды еліміздің үздік мектептерінен, сондай-ақ Комаров атындағы № 199 физика-математика Мемлекеттік мектебі (Грузия), Stunt school (Моңғолия), Жүсіп Баласағын атындағы Токмак лицейі (Қырғызстан), Guliston academy (Өзбекстан) сияқты басқа елдердің мамандандырылған мектептерінен тәжірибелі мұғалімдер мен жаттықтырушылар қатысты.

Бас жүлде мен І орынды Қазақстаннан Edlight Academy мектебі жеңіп алды.
ІІ орынды Грузияның Комаров атындағы № 199 физика-математика Мемлекеттік мектебі мен Алматы қ. НИМ ФМБ мектеп;
ІІІ орынды Алматы қ. РФММ мен Монголияның Shineue және 11-мектептері иеленді.

Қазақстан Республикасының Оқу-ағарту министрі Бейсембаев Ғани Бектайұлы ХХ Халықаралық Жәутіков олимпиадасының ресми жабылу салтанатында I дәрежелі дипломдармен келесі мұғалімдерді марапаттады: Мұсатай Санат, Ибатулин Ибрагим, Сұлтан Рамазан, Сади Айбын және Нишнианидзе Давид.

IMPACT олимпиадасы әлемнің әртүрлі елдерінің мұғалімдері мен жаттықтырушылары арасында тәжірибе мен идеялар алмасу орнына айналды. Бұл олимпиада шығармашылық ойлауды қалыптастыруға, күрделі есептерді шешу қабілетін дамытуға және оқушылардың білімін дамытуға көмектеседі. Мұндай мұғалімдер ғылым мен технология саласындағы болашақ көшбасшыларды қалыптастыруда және болашақ олимпиадашыларды тәрбиелеуде маңызды рөл атқарады.
РФММ-нің 6 мұғалімі байқауда жүлделі орындарға ие болды:
Мұғалімдер лигасы(математика)
1. Асимов Анвар -1 орын
2. Айтжанов Ербос – 3 орын
Мұғалімдер лигасы (физика)
1. Бақтияр Елдос-1 орын
2. Киссыков Елдос – 2 орын
Мұғалімдер лигасы(информатика)
1. Отеу Қуаныш – 2 орын
Жаттықтырушылар лигасы (физика)
1. Мұсатай Санат – 1 орын
2. Шәкіров Аман – 3 орын
IMPACT қатысушылардың жеке қабілеттерін дамытуға ықпал етіп қана қоймай, қолайлы білім беру ортасын құру және әлемдік білім берудің болашағына үлес қосу арқылы халықаралық байланыстарды нығайтады.