«Физтех» олимпиадасы

2019 жылдың 23-24 ақпанында Алматы қаласында орналасқан РФММ негізінде «Физтех» олимпиадасының қорытынды кезеңі өтеді. «Физтех» атты физика-математикалық олимпиадалар 25 жылдан астам уақыт бойы өткізіліп келеді. Олар оқушылардың физика және математика пәндеріне деген қызығушылығын арттыруға, олардың шығармашылық қабілеттерін анықтауға, сондай-ақ жас дарындарды іздеуге көмектеседі.

Олимпиаданың қорытынды кезеңін өткізудің тәртібі: Олимпиаданың қорытынды кезеңі екі күн ішінде жеке-жеке математика мен физика пәндері бойынша өткізіледі. Олимпиадаға қатысу тегін болып табылады. Олимпиада орыс тілінде өтеді.

«Физтех» олимпиадасының қорытынды кезеңіне тіркелу 2019 жылдың 17 ақпанына сағат 23:59 дейінгі мерзімде (мәскеу уақыты бойынша) олимпиаданың http://olymp.mipt.ru сайтында жүзеге асырылады.

«Физтех» олимпиадасының қорытынды кезеңін өткізудің күні және уақыты:

Математика – 2019 ж. 23 ақпаны, сағат 14:00

Физика – 2019 ж. 24 ақпаны, сағат 14:00

Тапсырмаларды орындау уақыты – 4 астрономиялық сағат.