Қазақстан құрамасы әл-Хорезми олимпиадасында 100% нәтиже көрсетіп, 8 медаль жеңіп алды

Өзбекстанның Ташкент қаласында математика және информатика пәндерінен өткен әл-Хорезми халықаралық олимпиадасы (KhMIO) мәресіне жетті. Әлемнің 10 елінен келген дарынды оқушылар бақ сынаған бұл білім додасында Қазақстан ұлттық құрамасы 100 пайыздық нәтиже көрсетіп, ел қоржынына 4 алтын, 3 күміс және 1 қола медаль салды.

Осы ортақ жеңіске РФММ оқушылары зор үлес қосып, Қазақстан қоржынын 1 алтын және 1 күміс медальмен толықтырды! Біздің мақтаныштарымыз:
Еламан Алишер— Информатикадан АЛТЫН медаль!
Алишер — информатика бойынша республикалық және халықаралық деңгейдегі білім додаларында тұрақты түрде үздік нәтиже көрсетіп жүрген дарынды оқушы. Ол биыл:
Қазақстан Білім олимпиадасында;
Ақназар атындағы олимпиадада;
XVII Еуразиялық олимпиадада;
XXII МЖО-да;
Республикалық олимпиаданың қорытынды кезеңінде;
7–8 сынып оқушыларына арналған республикалық олимпиаданың қорытынды кезеңінде алтын медаль иеленіп, бірнеше беделді жарыстың абсолютті жеңімпазы атанды.

Бельгимбаев Амир — Информатикадан КҮМІС медаль!
Амир де мектебіміздің атын асқақтатып жүрген дарынды оқушымыз. Оның биылғы оқу жылындағы елеулі жетістіктері:
Ақназар атындағы олимпиада — алтын медаль;
Республикалық олимпиаданың ІІІ кезеңі — ІІ орын;
Республикалық олимпиаданың қорытынды кезеңі — ІІ орын.

Дарынды оқушыларымызды, олардың ата-аналары мен жетекші ұстаздарын осынау тамаша жеңісімен шын жүректен құттықтаймыз! РФММ биік шыңдарды бағындыра берсін!