«Туған жердей жер болмас» экологиялық сенбілік

«Аяулы балапан» үйірмесінің еріктілерімен 24 қазанда Қазақстанның таңғажайып әдемі жерінде, Жетісудың ең үлкен және ең терең өзені бойында – Іле өзенінің жағасында көшпенділер қаласы «Көшпенділер бекінісінде» «Туған жердей жер болмас» атты экологиялық сенбілік өткізіп келдік.

Туған жер адам өмірінде киелі орын алады. Жер адамды өткенімен және болашағымен байланыстырады.

Ата-бабаларымыз найзаның ұшымен, білектің күшімен сақтап, бізге аманат етіп қалдырған асыл қазынамызды көзіміздің қарашығындай сақтауымыз қажет.

Туған жеріміздің топырағы, асқар таулары мен өзен-көлдері, даласы өте қажет екенін, сол үшін туған жерімізді құрметтеу, қорғау біз үшін міндет екенімізді естен шығармауымыз қерек.

Біздің сенбілікке таңдаған жеріміз 2004 жылы салынған қазақ даласының ортасында нағыз ортағасырлық «Көшпенділер бекінісі». Бұл «Көшпенді» культті көркем фильмін түсіру үшін арнайы, зәулім тастармен және табиғат-ананың қол тигізбейтін керемет сұлулығымен қоршалған жерінде салынған ерекше ғимарат. «Көшпенділер бекінісі» қақпасынан өткенде адам уақыт машинасы арқылы басқа дәуірге, бұрынғы кезеңге өтіп кеткендей сезіне бастайды.

Дәл осы табиғат аясында жасалған сенбілік оқушыларымызға терең ой салып, табиғатты аялап, отанымызға, туған жерімізге деген патриоттық сезімдерге бейімдеп өсіруіне ықпалын тигізетініне сенемін.