Қазақстанда 15 елдің оқушылары жасанды интеллект бойынша FAIO 2026 олимпиадасында бақ сынауда

Алматы, 2026 жылғы 26 қазан. Қаскелең қаласындағы SDU University базасында жасанды интеллект және машиналық оқыту бойынша FAIO 2026 мектеп олимпиадасының финалдық кезеңі басталды. Финалға 15 елден 49 команда жолдама алды.

Олимпиадаға Армения, Беларусь, Испания, Италия, Қазақстан, Кипр, Қырғызстан, Марокко, Моңғолия, Румыния, Ресей, Тәжікстан, Таиланд, Түрікменстан және Филиппин оқушылары қатысуда.

FAIO 2026 — мектеп оқушыларына арналған, командалық форматта өтетін жасанды интеллект және машиналық оқыту олимпиадасы. Қатысушылар бірден үш адамға дейінгі командаларға бірігіп, бағдарламалау, деректерді талдау және математика бағыттары бойынша тапсырмаларды орындайды.

Олимпиада биыл үшінші жыл қатарынан ұйымдастырылып отыр. Егер 2024 жылы жарысқа тек Қазақстан оқушылары қатысса, 2026 жылы іріктеу кезеңіне 28 елдің 125-тен астам қаласынан шамамен 1 500 оқушы қатысты.

Олимпиаданың ерекшелігі — қатысушылардан машиналық оқыту саласында алдын ала тәжірибенің болуы талап етілмейді. Қажетті теориялық білім тапсырмалармен бірге беріледі. Олимпиадаға қатысу тегін.

Финалдық кезеңнің екі туры 27–28 қазанда өтеді. Әр турдың ұзақтығы — бес сағат. Олимпиаданың салтанатты жабылу рәсімі мен жеңімпаздарды марапаттау 29 қазанға жоспарланған. Қорытындысы бойынша финалға қатысушылардың жартысынан аспайтын бөлігі жеңімпаздар мен жүлдегерлер дипломдарына ие болады.

Олимпиаданы ұйымдастырушылар — Республикалық физика-математика мектебі (РФММ) мен SDU University.

Жобаның телекоммуникациялық серіктесі — activ 5G, технологиялық серіктесі — Freedom Holding Corp., инновациялар жөніндегі серіктесі — ANSA Qory, ал әлеуметтік ықпал жөніндегі серіктесі — Halyk. Сондай-ақ олимпиада серіктестері қатарында Mastercard, investbanq, MA7 Ventures, Silkroad Innovation Hub және Marine Health бар.

FAIO 2026 олимпиадасына ақпараттық қолдауды Grants.kz, AICA, NARIKBI LIVE, stanbase, THE TECH, iCreator studio, ORA, Jibek Joly және berneiz медиа-серіктестері көрсетеді.