2021 ЖЫЛҒЫ ТҮЛЕКТЕРГЕ ЖАЛПЫ ОРТА БІЛІМ ТУРАЛЫ АТТЕСТАТТАРДЫ ТАПСЫРУ

Мектеп бітіру – әр адамның өміріндегі ең қызықты сәттердің бірі болып табылады. Түлектердің алаңсыз балалық шағы артта қалып, олар үлкен өмірге, жоғары оқу орнына және қызықты студенттік шаққа аяқ басады. Аттестаттарды тапсыру – бұл көптеген жылдар бойы есте қалатын әсем мереке.

2021 жылдың 12 және 14 маусым күндері РФММ Алматы акт залында 2021 жылғы түлектерге жалпы орта білім туралы куәліктерін табыстауға арналған салтанатты іс-шара өтті.

Аттестаттар табыстау кезінде түлектер мектеп басшылығынан, сынып жетекшілерінен, интернат тәрбиешілерінен жылы лебіздер естіді. Құттықтауларға жауап ретінде түлектер мектеп әкімшілігіне, мұғалімдер мен ата-аналарға ризашылықтарын және алғыстарын білдірді.

Бұл күні түлектердің сыңғырлаған күлкісін естіп, ата-аналардың бақытты жүздері мен қуаныштан шыққан көз-жастарының куәгері болдық.

Құрметті түлектер, біз сіздерді осы тамаша мерекемен шын жүректен құттықтаймыз! Армандарыңыздың орындалуын тілейміз. Туған жеріміздің мәрте­бесiн арттыратын сіздерсіздер, жас түлектер! Қадамдарыңызға сәттi сапар, өмiрлерiңізге құтты қадам тiлейміз!