МАТЕМАТИКА, ФИЗИКА ЖӘНЕ ИНФОРМАТИКА ПӘНДЕРІ БОЙЫНША XIII ХАЛЫҚАРАЛЫҚ ЖӘУТІКОВ ОЛИМПИАДАСЫНЫҢ ЖЕҢІМПАЗДАРЫ МАРАПАТТАЛДЫ

2017 жылдың 17 қаңтарында Ө.Жолдасбеков атындағы студенттер сарайында Әл-Фараби атындағы ҚазҰУ-де математика, физика және информатика пәндері бойынша оқушылардың XIIІ Халықаралық Жәутіков олимпиадасының жеңімпаздарын марапаттау және аталған олимпиаданың жабылу рәсімі өтті. Осы жылы олимпиадаға әлемнің 15 елінен 62 команда (401 қатысушы) қатысты: Қазақстан, Ресей, Беларусь, Әзербайжан, Грузия, Армения, Қырғызстан, Өзбекстан, Тәжікстан, Түркменстан, Болгария, Румыния, Сербия, Чехия және Моңғолия.

Олимпиада қорытындылары

Олимпиаданың қорытындылары бойынша жақын және алыс шетелдің үздік мамандандырылған мектептерінің 7 командасы анықталды. Командалық есепте екінші жыл қатарынан Гран-приді №1329 мектеп Мәскеу қ. (Ресей Федерациясы) жеңіп алды. 1 орынды Белград математикалық гимназиясы, Белград қ. (Сербия). 2 орынды №239 физика-математика мектебі, Санкт-Петербург қ. және №31 Челябинск лицейі, Челябинск қ. (Ресей) бөлді. 3 орынды №199 Комаров физика-математика мектебі, Тбилиси қ. (Грузия), РФММ командасы (Қазақстан) және Мәскеу Мемлекеттік Университетінің Мамандандырылған ғылыми-практикалық орталығының командасы, Мәскеу қ. (Ресей) алды.

Марапатталған команданың әрбір қатысушысына бағалы естелік жүлделер берілді (ұялы телефон, планшет, фотоаппарат). Гран-приді жеңіп алған команданың барлық мүшелеріне ноутбуктер берілді.

Жеке біріншіліктің қорытындылары

Барлығы жеке біріншіліктің қорытындылары бойынша, олимпиада қатысушыларына 40 алтын медаль, 61 күміс медаль, 97 қола медаль берілді. Жалпы саны 198 медаль, солардың 56 медалін Қазақстанның оқушылары жеңіп алды: 7 алтын, 18 күміс, 31 қола. РФММ командасы Қазақстанның пайдасына 17 медаль әкелді: 1 алтын, 5 күміс, 11 қола. РФММ 10 сыныбының оқушысы Аружан Аманбаева математикадан алтын медальді жеңіп алды.

Қазылар алқасының тең төрағасы Қазақстан Республикасы Ұлттық ғылымдар академиясының академигі Асқар Серкұлұлы Жұмаділдаев сөз сөйледі және қазақ, орыс, ағылшын тілдерін еркін меңгеруде өз қабілеттерін көрсетіп, олимпиаданың барлық қатысушыларын құттықтады.

Қазылар алқасының тең төрағасы ҚР ҰҒА академигі Асқар Жұмаділдаев атап өткендей, осы жылы қазақстандық оқушылардың дайындалу деңгейі өте қуантады. Осы жылы қиын және қызықты есептер болды, оларды үздік халықаралық профессорлар құрады. Олимпиаданың жеңімпаздарына және жүлдегерлеріне Әл-Фараби атындағы ҚазҰУ-нің және Қазақстан-Британ техникалық университетінің білім беру гранттарының берілу фактісі олимпиаданың жоғары деңгейін куәландырады. Халықаралық ақпараттық технологиялар университеті (ХАТУ) сондай-ақ олимпиаданың жеңімпаздары мен жүлдегерлері деп атанған қазақстандық оқушыларға білім беру гранттарын ұсынды.

Сондай-ақ осы жылы РФММ тұңғыш рет Н.Каппаров атындағы арнайы жүлдені табыстады. Алматы қаласы Бостандық ауданының әкімі «Математика пәні бойынша есепті өзгеше шешу» номинациясында 2 арнайы сыйлықты ұсынды. Халықаралық Жәутіков Олимпиадасы Қазақстан Республикасы Білім және ғылым министрлігінің, «Дарын» республикалық ғылыми-практикалық орталығының және «Республикалық физика-математика мектебі» КеАҚ-ның басшылығы аясында және Алматы қаласы әкімдігінің қолдауымен өтті.

Прикрепленные файлы