Минск қаласында (Беларусь Республикасы) химия пәні бойынша 52 халықаралық Менделеев олимпиадасы (ММО) өтті

Ағымдағы жылдың 23 сәуірінен бастап 29 сәуірін қоса алған мерзім ішінде Минск қаласында (Беларусь Республикасы) химия пәні бойынша 52 Халықаралық Менделеев олимпиадасы (ММО) өтті, ол қатысушылардың саны және ұсынылған мемлекеттердің саны бойынша рекорд орнатты, оған 22 елден 135 жоғарғы сынып оқушысы қатысты. Пәндік олимпиадалар қатарында ММО ерекше орын алады.

Олимпиада келесі үш турдан құралды: екі теориялық және бір тәжірибелік.

Қазақстан командасына Алматы қаласының РФММ 11 сынып оқушысы Бекхожин Жәнібек қатысты, ол Қазақстандық оқушылар арасында ең үздік нәтиже көрсетіп, күміс медалді жеңіп алды. Жетістіктері үшін ол Қазақстан құрамасының құрамында химия пәні бойынша халықаралық олимпиадаға (IChO) қатысуға шақырылды.

52 Халықаралық Менделеев олимпиадасының нәтижелерін келесі сілтеме бойынша көре аласыз: http://www.chem.msu.ru/rus/olimpiad/olimp2018/winners.html