Физмат оқушылары дүние жүзілік STEM жобаларда

2018 жылдың жазында Алматы қ. РФММ оқушысы Бекзат Баубек STEM симпозиумының қатысушысы ретінде шақырылды, бұл іс-шара әлемнің ең үздік университеттерінің бірі The University of Hong Kong (QS рейтингінде №26) өтті. Бекзат бірнеше іріктеу кезеңінен өтіп, аталған іс-шараның қатысушысы ретінде табысты іріктелді. Университет біздің оқушының қатысуына толық демеушілік етті.

Бекзат бізбен іс-сапар туралы өзінің әсерлерімен бөлісті:

Гонконг қаласында өткен STEM (Science Technology Engineering Mathematics) білім беру бойынша ұлтаралық симпозиум болашақ қалалар және Заттар интернеті тақырыбына арналған. Ірі қалаларға, мегаполистерге және басқа да күрделі жобаларға арналған алдағы жылдарға есептелген бірнеше бизнес-шешімдер ұсынылды.

Бізге екі студент көмектесті. Тұрмыстық мәселелерді шешуге көмектескен ментор және жобамен жұмыс істеуге көмектескен сәулет мамандығының студенті. Біз рөлдерді бөлдік және мен виртуалды шынайылыққа арналған қосымшаны дайындау бойынша жұмыспен айналысуды шештім.

Біздің жобамыз командадағы әрбір қатысушы идеясының жинағы болды. Осының арқасында ол қанық болды және ұсақ-түйекке дейін әзірленді. Біз Еуропа елдерінің тәжірибесін, құрылыс жүргізудің жаңа техникаларын және қалыпты емес сәулет өнеріндегі шешімдерді енгіздік. Университет бізді барлық қажетті жабдықтармен қамтамасыз етті және үлгілеу мен қосымшаларды әзірлеу бойынша шағын курс өткізді.

Негізінен біз жоба бойынша жұмыспен айналыстық және ешқайда шыққан жоқпыз. Тіпті саяхат тек зертханалар бойынша өткізілді және біздерді Университеттің тарихымен таныстырмады. Алайда біздің ментор бізге университеттің барлық бұрыштарын көрсетуге тырысты және біз студенттерге арналған көптеген пайдалы орындардың орналасуы туралы білдік.

Өкінішке орай, біз жүлделердің біреуін де ала алмадық (Гонконг қаласындағы Майкрософт компаниясында тағылымдама, жобаны қаржыландыру, университетте тағылымдамадан өту), бірақ біз әлі де осындай ауқымды жобаға қатысқанымызға және жаңа достар тапқанымызға өте қуанышты болдық.

Мені көп нәрсе таңқалдырды: Гонконгтың мәдениеті, қаланың өзі, адамдар және университет. Профессорлар әсіресе үлкен әсер қалдырды, олар академиялық қызметтен бөлек қызығушылықтарды иеленді. Жалпы алғанда, мен осындай іс-шараға қатысқаныма қуаныштымын және сол жерде танысқан достармен байланысты жалғастырамын деп үміттенемін.