ХV Халықаралық Жәутіков олимпиадасы

2019 жылдың 10 қаңтарында Ө. А. Жолдасбеков атындағы студенттер сарайында математика, физика және информатика пәндері бойынша ХV Халықаралық Жәутіков олимпиадасының салтанатты ашылу рәсімі өтті. Ашылуында 18 елден 82 команда салтанатты ұсынылды. Осы жылы қатысушылардың саны ең жоғары деңгейге – 540 оқушыға жетті.

Олимпиаданың географиясы жыл сайын кеңейіп келеді. Мерейтойлық олимпиадаға екі ел: АҚШ (South Carolina Governor’s School of Science and Math) және Дания (Maria Kruse Skole) қосылды.

South Carolina Governor’s School of Science and Math

Maria Kruse Skole

Алматы РФММ директоры Алмаз Кунгожин, Fizmat Endowment Fund  қоғамдық қорының басқарушысы Бахыт Оспанов, сондай-ақ халықаралық қазылар алқасының мүшесі және РФММ-нің 1972 жылдың түлегі академик Асқар Жұмаділдаев олимпиаданың қатысушыларына және халықаралық қазылар алқасының мүшелеріне арналған құттықтау сөз сөйледі.

РФММ Алматы директоры — Алмаз Кунгожин

Fizmat Endowment Fund қоғамдық қорының басқарушысы — Бахыт Оспанов

Халықаралық қазылар алқасының мүшелері

Олимпиадада Қазақстанның атынан 175 оқушы қатысты, олардың ішінде РФММ оқушыларынан 50 қатысушы: Алматы қ. 3 команда, Астана қ. 2 команда. Халықаралық Жәутіков олимпиадасы ҚР БҒМ, «Дарын» РҒПО және ХАТУ қолдауымен өтті. Lancaster Group, Fizmat Endowment Fund, Nurlan Kapparov Foundation, Air Astana және Eurasian Resources Group олимпиадаға демеушілік көмек көрсетті.

Бұл олимпиаданың ерекшелігі оның физика-математика бағытындағы мамандандырылған мектептер арасында бірден үш пән бойынша өтуінді. Олимпиаданың қорытындылары бойынша жеке рейтинг, сондай-ақ мамандандырылған мектептердің ең мықты командаларының рейтингі шығарылады.

Олимпиаданың мақсаты: оқушылар арасында физика-математика ғылымдарын насихаттау, халықаралық ынтымақтастықты дамыту, әр түрлі елдердің мамандандырылған мектептері арасында достық қарым-қатынастарды орнату, олимпиадаларды ұйымдастыру және өткізу тәжірибесімен алмасу, сондай-ақ Қазақстанның білім және мәдениет деңгейін көрсету.