XV Халықаралық Жәутіков олимпиадасының жабылуы жөніндегі ақпарат

2019 жылдың 14 қаңтарында Алматы қаласындағы Ө. А. Жолдасбеков атындағы студенттер сарайында математика, физика және информатика пәндері бойынша XV Халықаралық Жәутіков олимпиадасының салтанатты жабылу рәсімі өтті. Олимпиаданың мақсаты: оқушылар арасында физика-математика ғылымдарын дәріптеу, халықаралық ынтымақтастықты дамыту, әр түрлі елдердің мамандандырылған мектептері арасында достық қарым-қатынасты орнату, олимпиадаларды ұйымдастыру және өткізу тәжірибесімен алмасу, сондай-ақ Қазақстан білімінің және мәдениетінің деңгейін көрсету.

Осы жылы олимпиадаға 18 елден 82 команда келді. Қазақстанның атынан Қазақстанның әр түрлі өңірлерінен келген 23 команда қатысты. Қатысушылардың жалпы саны 540 адамды құрады. Математика пәні бойынша 91 медаль (20 алтын, 26 күміс және 45 қола медаль), физика пәні бойынша 71 медаль (15 алтын, 21 күміс және 35 қола медаль), информатика пәні бойынша 74 медаль (14 алтын, 23 күміс және 37 қола медаль) ойналды. Қазақстанның оқушылары 9 алтын, 23 күміс және 43 қола медаль жеңіп алды.

ХЖО ерекшелігі жалпы қорытындының командалардың өзін көрсету нәтижелері бойынша есептелуінде болып табылады.

Сонымен қатар, жабылу салтанатында «Fizmat Endowment Fund» қорының түлектері және «Келешек» мектебі атынан «Жыл дебюті», «Жеңіске ұмтылыс», «Математика, физика және информатика пәндері бойынша қазақстандық оқушылардың ең үздік нәтижесі» атты арнайы номинациялар табысталды. Сондай-ақ Қаппаров, Имамбеков және Сегалович атындағы арнайы сыйлықақылар табысталды.

«Информатика пәні бойынша қазақстандық оқушылардың ең үздік нәтижесі» атты номинация Алматы РФММ оқушысы Данияр Закаринге берілді, «Физика пәні бойынша қазақстандық оқушылардың ең үздік нәтижесі» атты номинация Павлодар НЗМ оқушысы Дияр Туленовке берілді, «Математика пәні бойынша» қазақстандық оқушылардың ең үздік нәтижесі» атты номинация Атырау БИЛ оқушысы Айбек Мырзатаевқа берілді. «Жеңіске ұмтылыс» номинациясы Моңғолияның Ұлан-Батыр қ. №1 мектебінің оқушысы Otgonbayar Misheel берілді. «Жыл дебюті» номинациясы «Maria Kruse Skole» даниялық мектептің оқушысы Jingdan Hua және «South Carolina Governor’s School of Science and Math» мектебінің оқушысы Matthew Walker берілді. Сонымен қатар, «Жыл дебюті» санатына «Maria Kruse Skole», Фарум, Дания; South Carolina Governor’s School of Science and Math», АҚШ және «VEFA» лицейі, Стамбул, Түркия мектептері ұсынылды.

Қаппаров атындағы сыйлықақыны 2019 ХЖО-ның математика пәні бойынша абсолютті чемпионы, Болгария командасының мүшесі, «Sofia High School of Matemathics» мектебінің оқушысы Evgeni Kayryakov алды. Имамбеков атындағы сыйлықақыны 2019 ХЖО-ның физика пәні бойынша абсолютті чемпионы, Ресей командасының чемпионы, Саранск қаласының Дарынды балаларға арналған республикалық лицейдің оқушысы Алексей Шишкин алды, ал Сегалович атындағы сыйлықақыны ХЖО-ның информатика пәні бойынша абсолютті чемпионы, Грузия командасының мүшесі, Тбилиси қаласының «LEPL Vladimir Komarovi Tbilisi Physics and Mathematics School» мектебінің оқушысы Nikoloz Birkadze алды.

XV Халықаралық Жәутіков олимпиадасы ҚР БҒМ, «Дарын» РҒПО және ХАТУ қолдауымен өткізілді. Lancaster Group, Fizmat Endowment Fund, Nurlan Kapparov Foundation, Air Astana және Eurasian Resources Group олимпиадаға демеушілік көмекті көрсетті.

Жабылу салтанаты «Ұлытау» аспаптық этно тобының өнер көрсетуімен аяқталды.