2018 қыздарға арналған Еуропалық математикалық олимпиаданың нәтижелері белгілі болды

Қазақстан екінші рет Қыздарға арналған Еуропалық математикалық олимпиадаға (EGMO 2018) қатысып жатыр. Математика пәні бойынша республикалық олимпиаданың қатысушылары арасында өткен іріктеу олимпиадаларынан кейін елдің атынан келесі 4 оқушы қатысатын болды: үшеуі РФММ оқушысы және біреуі Алматы қ. ФМБ НЗМ оқушысы.

EGMO 2018 өте көрікті және мәдени мұрасы мол Флоренция қаласында (Италия) өтті.

Ұшу оңай болған жоқ, екі рет ауысып отыру арқылы өтті. Қуанышқа орай, барлық рейстер уақытында болды, алайда бір ыңғайсыздық болды – бүкіл команданың жолжүгі жолда қалып қойды, ол келесі күні келді.

51 командадан 195 қатысушы болды, сондай-ақ олардың жетекшілері және ұйымдастырушылары қаланың тарихи орталығының жанындағы қонақүйде орналасты.

Ашылу Верди театрында өтті. Оны өткізу орны дәстүрлі емес ашылу салтанатына – театр қойылымына әкелді. Ресми сөздерден кейін ашылу сахнаға командалардың дәстүрлі шығуымен аяқталды.

Күннің екінші жартысында қатысушылар квест-ойын ойнады, сонымен бірге қала бойынша саяхат өтті.

Екі тур да екі күн бойы жергілікті жердің уақыты бойынша 4,5 сағаттан өтті, оның нәтижесінде оқушылар келесі балдарды және медальдарды алды:

Үйлестіру (командалардың жетекшілері мен координаторлары арасында балдарды келісу үрдісі) уақытында қатысушылар Пиза және Лука қалаларына саяхатқа барды. Әрине олар Пизан мұнарасы жанында ұмытылмас фотосуреттер жасады.

Көріп отырғанымыздай біздің ел өткен жылдағыдай марапаттардың бүкіл жиынын алды. Және тағы да соңғы қатысушыға ренішті, себебі қола медалға дейін тек бір балл жетпей қалды.

Жалпы командалық бейресми есепте Қазақстан 11 орынды алды. Мұнда біз шамамен өткен жылғы нәтижені қайталадық, себебі команда 44 елдің арасында 8-10 орынға тұрды. Есептердің шарттарын және ұқсас нәтижелерді ресми сайтта табуға болады. Команданы және өз үлесін қосқан барлық адамдарды табысты нәтижелермен құттықтаймыз!

Қазақстан құрамасының қатысушылары, сондай-ақ ата-аналар мен ұстаздар РФММ Эндаумент қорын және «НЗМ» ДББҰ команданың іс-сапарын төлегені үшін алғыс білдіреді.

Ұмытылмас әсерлерден, қызықты және қиын есептерді шешіп көңіл көтеруден, медалдардан және марапаттардан, көрікті фотосуреттерден басқа қатысушылар жаңа достармен танысты. Келесі EGMO 2019 жылдың 7 сәуірінен бастап 13 сәуірін қоса алғанда Киев қаласында (Украина) өтеді.