РФММ туған күнін тойлауға арналған іс-шаралар

Мектебіміздің туған күнін тойлауға арналған іс-шараларға толы апта аяқталды. Бір апта бойы оқушылар, сынып жетекшілер және ата-аналар іс-шараларға белсенді қатысып, мектеп өміріне жауапкершілікпен қарайтындықтарын көрсетті.

16 қазан күні РФММ-нің 50 жылдығы бойынша ұйымдастыру комитетінің алғашқы отырысы және мектептің туған күніне арналған салтанатты іс-шара өткен болатын.  Іс-шараға ардагер-ұстаздар, директорлар кеңесінің мүшелері, мектеп түлектері мен ұжымы шақырылды.

Бұл күні ардагер-ұстаздарымыз үшін мектептің жаңа ғимараты бойынша арнайы тур ұйымдастырылды. Ардагер-ұстаздарымыз жаңа мектеп ғимаратының әдемі кейіпін көруге қуанышты болғандарын жасырмады. Олар мектептің жаңа кабинеттерін, спорт залдарын ерекше ықыласпен қарап шықты.

Мерекенің барлық қонақтары мектеп туралы жылы естеліктерімен бөлісті, естелік суреттерге түсіп, концерт тамашалады.

Біз өз кезегімізде тағы бір аптаны – ӘБЖ аптасын бастауға қуаныштымыз.

Оқушыларға жеңіл тапсырмалар мен жоғары бағалар тілейміз! Сәттілік!