Соңғы қоңырау

25 мамырда 2018-2019 оқу жылының аяқталуына және «Соңғы қоңырауға» арналған салтанатты іс-шаралар өтті. Осы жылы екі шара ұйымдастырылды: 7-9 сыныптарға және 10-11 сыныптарға арналған мерекелік іс-шаралар өткізілді. Іс-шараларды 10 «Г» сыныбы және олардың сынып жетекшісі У.С. Джумадуллаева ұйымдастырып өткізді.

Іс-шара кезінде бітіруші сыныптардың 202 оқушысынан, сынып жетекшілерінен, интернат тәрбиешілерінен құралған парад өтті. Көптеген түлектер дүние жүзінің әр түрлі университеттеріне қабылданды.

Ту шығарылғаннан кейін бүкіл мектеп әнұранды шырқады; мектеп директоры Алмас Мұхамбетұлы Кунгожин 2018-2019 оқу жылының аяқталуы туралы бұйрықты оқыды, РФММ КеАҚ Директорлар кеңесінің төрағасы, мектептің 1987 жылғы түлегі Берік Сералиұлы Қаниев және Директорлар кеңесінің мүшесі, Физмат Эндаумент Қорының басқарушысы Бахыт Насрадинұлы Оспанов құттықтау сөздерін айтып, бірнеше санаттарда жеңіске жеткен келесі мектеп ұстаздарына грамоталарды табыстады:

• «2019 жылдың РФММ үздік мұғалімі»: Ахметова Галия Зейнуллаевна, Джумадуллаева Улдарай Сералиевна;
• «2019 жылдың РФММ жас мұғалімі»: Сұлтанов Ескендір Маратұлы;
• «2019 жылдың олимпиадалық резерв тренері»: Утешева Бакыткуль Жумагалиевна.

Дәстүр бойынша осы іс-шараларда мектептің үздік оқушылары «мектеп мақтанышы» белгісімен марапатталды. Барлығы 103 оқушы осы атаққа ие болды. Олардың арасында әр түрлі бағыттағы республикалық және халықаралық деңгей олимпиадаларының жүлдегерлері, оқу озаттары және белсенділері.

Мектеп оқушылары бірнеше музыкалық би нөмірлерін ұсынды, дәстүр бойынша бітіруші сыныптардың өкілдері сөз сөйледі және болашақ түлектерге «Білім кілті» символикалық белгісін тапсырды.

Алғаш рет түлектерге Республикалық физика-математика мектебін аяқтағаны туралы халықаралық үлгідегі дипломдар табысталды. Соңында түлектер мектеп вальсін билеп, өздерінің басты тілектері жазылған шарларды жіберді.