«Innovations & intelligence» бағдарламалау бойынша олимпиада

Қ.И. Сәтпаев атындағы Қазақ ұлттық техникалық зерттеу университетінің Ақпараттық және телекоммуникациялық технологиялар институтының «Ақпараттық технологиялар» кафедрасы 2018 жылдың 28 сәуірінде физика-математика бағытындағы Алматы қаласы мектептерінің 10-11 сынып оқушылары арасында т.ғ.д., профессор Д.Н.Шукаевтың 75-жылдығына арналған «Innovations & Intelligence» (I²) бағдарламалау бойынша олимпиадасын өткізді.

Олимпиада келесі үш номинация бойынша жүргізілді:

«Бағдарламалау» номинациясы. Қатысушы бағдарламалаудың кез келген тілін қолдана отырып, есепті шешу үшін тапсырмалар жазады.

«Ғылыми еңбек» номинациясы. Қатысушы IT саласының кез келген бағыттары бойынша өзінің ғылыми зерттеуінің нәтижелерін ұсынады.

«Еркін жоба» номинациясы. Қатысушы өзінің айрықша өнімін (Бағдарламалық жасақтама, Web-сайт, Құрылғы және т.б.) ұсынады.

«Innovations & Intelligence» (I²) олимпиадасын өткізудің

БАҒДАРЛАМАСЫ

2018 жылдың 28 сәуірі

ОЛИМПИАДА ҚАТЫСУШЫЛАРЫН ТІРКЕУ

8.30 – 9.30 Бас оқу корпусының 1 қабатының фойесі

ОЛИМПИАДАНЫҢ АШЫЛУЫ, АМАНДАСУ

9.30 – 10.00  Бас оқу корпусының 1 қабатының фойесі

ОЛИМПИАДАНЫ ӨТКІЗУ

10.00 – Олимпиаданың басталуы. Ұзақтығы 3 сағат.

Олимпиаданың нәтижелері туралы ақпарат 28 сәуірде сағат 16.00 БОК кіреберісінің алдындағы стендте ілінеді және 30 сәуірде http://satbayev.university/ сайтында жарияланатын болады.

14.00 — 16.00 АТТИ институты бойынша саяхат

16.00 — 17.00 Олимпиада қорытындыларын біріктіру. Жеңімпаздарды марапаттау, жүлделерді және естелік сыйлықтарды беру.

Олимпиаданың қатысушылары өзімен бірге суреті бар куәландыратын құжатты иеленуі тиіс. Олимпиадаға қатысу үшін 2018 жылдың 27 сәуірінде сағат 17.00 дейін IТ-Олимпиада сілтемесі бойынша тіркелу қажет. Барлық сұрақтар бойынша келесі электронды поштаның мекен-жайына хабарласуға болады: ii.ntu.kz@gmail.com. РФММ оқушылары сондай-ақ мектептің 215 кабинетінде тіркелуі тиіс.

Олимпиаданы өткізу орны: Алматы қ., Сәтпаев к-сі, 22, Қ.И. Сәтбаев атындағы Қазақ ұлттық техникалық зерттеу университеті, Бас оқу корпусы.

Жол жүру сызбасы:

Сәтбаев университеті (Қ.И. Сәтбаев атындағы Қазақ ұлттық техникалық зерттеу университеті) – 1934 жылы негізі қаланған Қазақстанның ең ірі және жетекші университеттерінің бірі. Университет 29 техникалық бағыттағы білім беру бағдарламалары және 18 техникалық емес бағыттағы білім беру бағдарламалары бойынша бакалаврларды дайындауды жүзеге асырады.

Университет ҚР БҒМ Ұлттық аккредиттеу орталығының №1 сертификатын иеленеді, Еуропалық Университеттер қауымдастығының (EUA) халықаралық институционалдық бағасынан өтті. Университеттің 21 мамандығы ABET (АҚШ), ASIIN (Германия) және АИОР (Ресей) аккредиттеу агенттіктерінде техника және технологиялар саласында халықаралық аккредитациялардан өтті.