Оқушыларға арналған Science Stars ғылыми байқауы

Кең көпшілікке кез келген ғылыми өнертабысты, фактты, теорияны немесе жобаны қазақ немесе орыс тілдерінде үш минуттың ішінде түсіндіре аламын деп ойлайсыз ба? Егер жауабыңыз иә болса, British Council ұйымдастырған байқауға қатысыңыз!

Байқауға технологиялармен, инженериямен, медицинамен, биологиямен, химиямен немесе математикамен қызығатын 9-11 сыныптардың оқушылары, не Қазақстан Республикасы колледждерінің 1-2 курс студенттері қатыса алады. Өтінімдер тек жеке тұлғалардан қабылданады, топтардан өтінімдер қаралмайды.

БАЙҚАУҒА ҚАТЫСУ ҮШІН ӨТІНІМДІ ОНЛАЙН БЕРІҢІЗ

Келесі ғылым салаларының бірінде кез келген ғылыми өнертабыс, факт, теория немесе ғылыми жоба туралы Сіз баяндаған бейнені жазыңыз: технологиялар, инженерия, медицина, биология, химия, физика немесе математика және бұл бейнежазбаны Youtube, Vimeo немесе басқа да сайтқа салыңыз.

Онлайн-өтінімнің үлгісін 2017 жылдың 17 желтоқсанына дейін қазақ (сілтеме) немесе орыс (сілтеме) тілдерінде толтырыңыз, оған бейнеге сілтемені енгізіңіз.

British Council сіздің электронды поштаңызға сіздің өтініміңізді алғандығы туралы растауды жібереді және қосымша ақпаратты және одан кейінгі іс-әрекеттерді хабарлайды.

Егер сізде сұрақтар туындаған болса, онда келесі электронды мекен-жай бойынша хабарласыңыз: famelab@kz.britishcouncil.org.

КЕЛЕСІ КЕЗЕҢ

Егер сіздің өтініміңіз байқаудың финалына өтсе, сіз презентацияларды табысты өткізу бойынша біркүндік шеберлік-классқа шақыру аласыз. Шеберлік-класс сізге сөз сөйлеу қабілеттерін жақсартуға және финалда табысты өзін көрсетуге көмектеседі. Шеберлік-класс және байқаудың финалы Астанада 2018 жылдың наурызында өтеді.

ЖҮЛДЕЛЕР МЕН МАРАПАТТАР

Байқаудың жеңімпазына ноутбук беріледі.

Екінші және үшінші орынды алған қатысушылар iPad планшетін алады.

Сонымен қатар, байқаудың барлық финалисттері «OYLA» журналына жылдық жазылымды және кітап дүкендері желісінің сыйлық сертификаттарын алады.

БАҒАЛАУДЫҢ ЕРЕЖЕЛЕРІ ЖӘНЕ КРИТЕРИЙЛЕРІ

Өтінімді беруден бұрын, Байқаудың ережелерімен және бағалау критерийлерімен мұқият танысуыңызды өтінеміз.

Өтінімдер 2017 жылдың 17 желтоқсанына дейін қабылданады.

Байқау ережелерін жүктеңіз (Adobe PDF 248KB)

Ақпарат көзі: www.britishcouncil.kz