Математика, физика және информатика пәндері бойынша ХIV Халықаралық Жәутіков олимпиадасы

ХЖО-2018 туралы бірінші ақпараттық хабарлама

Құрметті достар!

«Республикалық физика-математика мектебі» коммерциялық емес акционерлік қоғамы және «Дарын» РҒПО Қазақстан Республикасы Білім және ғылым министрлігінің қолдауымен елдердің арасындағы қарым-қатынасты дамыту, ғылыми білімдерді насихаттау және физика-математика мектептері арасында байланыстарды нығайту мақсатында Математика, физика және информатика пәндері бойынша ХIV Халықаралық Жәутіков олимпиадасын өткізеді.

Олимпиада 2018 жылдың 10 қаңтарынан бастап 16 қаңтарын қоса алған мерзімге дейін Алматы қ. (Қазақстан Республикасы) өтеді. Қазақстанның және шет елдердің мамандандырылған физика-математика мектептерінен, лицейлерінен, гимназияларынан және мамандандырылған сыныптары бар мектептерден мектеп командалары шақырылады. Әр команданың құрамына келесі 7 қатысушы: математикадан 3 қатысушы, физикадан 2 қатысушы, информатикадан 2 қатысушы және олимпиаданың ресми үш тілінің: қазақ, орыс немесе ағылшын тілінің бірін меңгерген 1-2 жетекші (физик, математик, информатик) кіруі қажет. Толық емес құрамдағы мектеп командаларына қатысуға жол беріледі. Олимпиадаға бір елден бірнеше мектеп командасы қатыса алады. Олимпиаданың ұйымдастыру комитеті бір елдің немесе қаланың атынан қатысатын мектеп командаларының санын шектеу құқығын өзіне қалдырады.

Олимпиаданың қорытындылары әрбір пән бойынша жеке есепте есептеледі. Қатысушылардың жеке нәтижелері бойынша команданың рейтингі анықталады. Үздік мектептер дипломдармен және бағалы жүлделермен марапатталады.

Әрбір қатысушыдан және команда жетекшісінен қатысу үшін ұйымдастырушылық жарна 100 АҚШ долларын құрайды; қатысушылардың Алматы қаласындағы тұруы және тамақтануы бойынша барлық шығыстарды олимпиаданың ұйымдастырушылары төлейді. Екі жаққа жүрудің жолақысы жіберуші тараптың есебінен жүзеге асырылады.

Өтінімдерді ұйымдастыру комитетінің мекен-жайына (қоса берілген кестені толтырып) келесі мерзімдерде жолдауды сұраймыз: визалық тәртібі бар елдер үшін 2017 жылдың 20 желтоқсанына дейін және визалық тәртібі жоқ елдер үшін 2017 жылдың 28 желтоқсанына дейін.

Олимпиаданың алдын ала бағдарламасы:

10.01 – кіру күні. Қатысушыларды тіркеу.

11.01 – 14:⁰⁰ дейін кіру.

16:⁰⁰  — Олимпиаданың салтанатты ашылуы.

12.01 – олимпиаданың 1 туры.

13.01 – олимпиаданың 2 туры.

14.01 – үйлестіру.

15.01 – 16:⁰⁰ — олимпиаданың жабылу салтанаты.

16.01 – кету күні.

Ұйымдастыру комитетінің мекен-жайы:

Қазақстан Республикасы, 050040, Алматы қ., Бұхар жырау бульвары, 36, «Республикалық физика-математика мектебі» коммерциялық емес акционерлік қоғамы.

Tел/факс: +7-727-395-01-77, тел. +7-727-395-01-85, +7-727-395-01-83.

Мектептің сайты: www.fizmat.kz

Олимпиаданың сайты: www.izho.kz

E-mail: fizmatschool1972@gmail.com.

Олимпиаданың ұйымдастыру комитеті