Мансур Мукимбеков – информатикадан Халықаралық Олимпиаданың қола жүлдегері

Алматы РФММ 11 сынып түлегі 19-28 маусым аралығында информатика пәні бойынша қашықтықтан өткен 33-ші Халықаралық Олимпиадада (IOI 2021) қола медальді жеңіп алды.

2019-2021 жылдары аралығында Мансур бірнеше рет информатика пәнінен өткізілген Республикалық және Халықаралық олимпиадалардың жүлдегері болған. Биыл да Халықаралық олимпиадада жеңіске жетіп отыр.

Осы жылы IOI 2021-ге әлемнің 88 елінен 351-ден астам оқушы қатысқан. Биыл Олимпиаданың ұйымдастырушысы Сингапур болды. Олимпиада екі кезеңнен тұрды (22 және 25 маусым), оның барысында қатысушылар информатикадан өз білімдерін көрсете отырып, алты алгоритмдік есептерді шығаруы керек болған.

Олимпиада нәтижесінде Қазақстанның қоржыны оқушылардың арқасында 4 қола медальға толықты. IOI 2021-де еліміздің намысын Алматы РФММ-нен Мукимбеков Мансур, Мақсотов Жамбыл (Орал қ.БИЛ), Ашуров Альтаир (Нұр-сұлтан Қ. NIS) және Сахмолдин Мухаммадариф (Алматы қ. NIS) қорғады.

Мансурды, оның ата-анасын, мұғалімдері мен жаттықтырушыларын жеңістерімен шын жүректен құттықтаймыз!