Ғылыми жобалардың байқауы (10 қыркүйектегі жаңартылған ақпарат)

Құрметті РФММ оқушылары және олардың ата-аналары! Сіздерде «Дарын» республикалық орталығы www.daryn.kz  өткізетін ғылыми жобалардың байқауына дайындалуға мүмкіндігіңіз бар.

Табысты дайындалған жоба республикалық және «Intel International Science and Engineering Fair», «Ғылым әлемін ашамыз» және т.б. сондай сияқты халықаралық деңгейдегі байқауларда ұсынылу мүмкіндігін иеленеді.

Көптеген шетелдік жоғары оқу орындары студенттерді қабылдау кезінде талапкерлердің осындай байқауларға қатысқандығын назарға алады.

Ережелерге сәйкес дәстүрлі Ғылыми жобалардың республикалық байқауы келесі секцияларға сәйкес келетін 4 бағыт бойынша өткізіледі:

1 бағыт – «Ғылыми техникалық үрдіс – экономикалық өсудің басты буыны ретінде» – «Физика», «Техника», «Жер және Ғарыш туралы ғылымдар» секциялары;

2 бағыт – «Экономикалық және әлеуметтік үрдістерді математикалық моделдеу» – «Математика», «Қолданбалы математика», «Экономика», «Информатика» секциялары;

3 бағыт – «Дені сау табиғи орта – «Қазақстан-2050» стратегиясын жүзеге асырудың негізі» – «Химия», «Биология», «Қоршаған ортаны қорғау» секциялары;

4 бағыт – «Қазақстанның тарихи ескерткіштері және болашағы зор туристтік бағдар жолдар» – «Тарих», «Құқықтану», «Өлкетану», «Әдебиет», «Этникалық мәдениеттану», «Тіл білімі» секциялары.

Бір жобаны бір немесе екі оқушы ғана ұсына алады.

Байқауға қатысу үшін өтінімді ұсыну қажет, онда келесі ақпарат көрсетіледі:

• Оқушының құжат бойынша аты-жөні (орыс және ағылшын тілдерінде), ЖСН, телефоны (үй, ұялы), электронды мекен-жайы, сыныбы, төлқұжаттың болуы (бар, жоқ);
• Еңбектің секциясы мен атауы (орыс және ағылшын тілдерінде);
• пән бойынша мұғалімнің Т.А.Ә.
• ғылыми жетекшінің Т.А.Ә., оның жұмыс орны, ғылыми дәрежесі, телефоны.

Жобаның атауы, ғылыми жетекшісі уақыт өте келе өзгеруі мүмкін, алайда тіркелмеген жобалар ағымдағы оқу жылының Республикалық байқауына қатыса алмайды.

Тіркеу 11 қыркүйекті қоса алған мерзімге дейін ұзартылады.

Тіркеу 215 кабинетте жүргізіледі.

Шығармашылық табыстар тілейміз!