Алматы РФММ «Robotix_fm» командасы «Almaty Balafest» фестивалінде ҚР Президенті Қасым-Жомарт Тоқаевқа өз жобасын таныстырды

1 маусым күні ботаникалық бақта Президент жариялаған «Балалар жылы» аясында «Алматы БалаFEST» мерекелік балалар фестивалі ұйымдастырылды.

Ботаникалық баққа бір ай бойы байқауға қатысқан әртүрлі жастағы балалар жиналды. Қала мектептерінің, гимназиялардың, интернаттардың 5 пен 17 жас аралығындағы 300 мыңнан астам оқушысы қабілетін, шеберлігін және дарынын көрсете отырып, спорт, шығармашылық және интеллектуалдық сайыстарға қатысқан.

Фестиваль аясында ботаникалық бақ аумағы бірнеше негізгі аймақтарға бөлінді:

– «ART SPACE» аймағы

– «Кітаптар қазынасы» кітап көрмесі

– «ECO LAB» экологиялық аймағы

– «Шахмат әлемі» аймағы

– «ROBO LAND» аймағы

– «Жас өрендер» концерт алаңы

Алматы РФММ оқушыларынан құралған «Robotix_fm» командасы ҚР Президенті Қ.Тоқаевқа және Алматы қаласының әкімі Е.Досаевқа өз жобаларын таныстырды.

Естеріңізге сала кетсек, «Robotix_fm» командасы ақпан айында өткен First Lego League турнирінде бірінші орынға ие болған. Команда құрамында өнер көрсеткен 9G және 7Е оқушылары Мирамбек Береке, Жомарт Шапағат, Шакуров Тимур.