Физмат-Геология

2018 жылдың ақпанында Алматы РФММ-де «Геология» бағыты бойынша олимпиадалық резервке іріктеу өтті. Сабақтар «Жалпы геология», «Минералогия және петрография», «Қауіпсіздік техникасы және алғашқы медициналық көмек», «Палеонтология», «Геологиялық карта және кескін», «Дала геологиясы» және т.б. пәндері бойынша өтеді.

Тамызда балалар алғаш рет жас геологтардың V Қазақстандық ашық дала олимпиадасына қатысты, ол 2018 жылдың 27 шілдесінен бастап 3 тамызын қоса алған мерзімде Ақмола облысының Бурабай шипажайы аумағындағы «Балдәурен» республикалық оқу-сауықтыру орталығында өтті. Олимпиаданың мақсаты –  оқушыларды ерте кәсіптік бағдарлау, олардық геология ғылымдарын зерттеуге деген қызығушылығын арттыру, геологияны ғылым ретінде және оның қолданбалы мәнін дәріптеу, дарынды балаларды анықтау және қолдау, оқушылардың назарын геоэкологияның және жер қойнауының мәселелеріне тарту, өсіп келе жатқан ұрпақты патриотизм, достастық және Отанына деген сүйіспеншілік рухында тәрбиелеу.

«Геофизмат» геологиялық үйірмесінің оқушылары 2018 жылдың 17 желтоқсанынан бастап 30 желтоқсанын қоса алған мерзімде Алматы қаласында (қашықтан) өткен 2 іріктеу турынан табысты өтті және оқушылардың Мәскеу ашық олимпиадасының қорытынды кезеңіне түсті. Қазіргі уақытта балалар 2019 жылдың 9 ақпанынан бастап 10 ақпанын қоса алған мерзімде Мәскеу қаласында өтіп жатқан оқушылардың геология пәні бойынша XХVI Мәскеу ашық олимпиадасына қатысып жатыр.

2019 жылдың 12 қаңтарында Астана қаласында Nazarbayev University жоғары оқу орнында геология пәні бойынша IESO – 2019 халықаралық олимпиадасына іріктеу туры өтті, бұл олимпиада Оңтүстік Кореяның Дегу қаласында 26 тамыздан бастап 3 қыркүйекті қоса алған мерзімде өтеді. Іріктеу турына Астана, алматы, Өскемен, Ақтөбе, Шымкент, Орал, Көкшетау қалаларынан 39 оқушы қатысты. Алматы РФММ атынан «ГЕОФИЗМАТ» командасы қатысты.

«ГЕОФИЗМАТ» командасының құрамына 11 сыныптың оқушысы Кунгожин Сабыр Дәуренұлы және 9 сыныптың оқушысы Қазтай Дәулет Гениұлы кірді.

Шын жүректен қатысушыларға болашақ жеңістер мен шығармашылық табыстар тілейміз!