Азия-Тынық мұхит математикалық олимпиадасы және «Жібек жолы» халықаралық математикалық олимпиадасы

2019 жылдың 11-12 наурызында Алматы қаласында әл-Фараби атындағы ҚазҰУ-нің Механика-математика факультетінің негізінде қашықтан өтетін келесі халықаралық олимпиадалар өткізіледі: Азия-Тынық мұхит математикалық олимпиадасы (бұдан әрі – АТММО) және «Жібек жолы» халықаралық математикалық олимпиадасы (бұдан әрі – ЖЖХМО). Аталған зияткерлік олимпиадаларды өткізудің басты мақсаты – математика ғылымдары саласында дарынды оқушыларды анықтау, дамыту және қолдау үшін жағдай жасау, сондай-ақ қатысушы елдер арасында халықаралық білім беру және ғылыми байланыстарды дамыту.

АТММО-ға бірден отыздан астам ел қатысады: Аргентина, Австралия, Ресей, АҚШ, Канада, Индонезия, Жапония, Қазақстан, Корея, Қырғызстан, Малайзия, Мексика және басқалары.

ЖЖХМО-ға Ұлы Жібек жолы бойында орналасқан келесі елдер қатысады: Қазақстан, Өзбекстан, Қырғызстан, Түркменстан, Түркия, Әзербайжан, Қытай, Тәжікстан және басқалары.

Олимпиадаларға қатысуға тек математика пәнінен республикалық олимпиаданың 3 кезеңінің жеңімпаздары мен жүлдегерлері жіберіледі.