Алматы РФММ-де LVIII шығыс физика-математика пәндері бойынша олимпиада

 Алматы РФММ-де* 8-11 сынып оқушылары үшін Мәскеу физика-математика институтының (мемлекеттік университет) LVIII шығыс физика-математика пәндері бойынша МФТИ олимпиадасы өтеді.

28 қаңтарда – Математика пәні бойынша олимпиада, басталуы сағат 14:30
Кабинеттер: № 201, 205, 206, 213, 216, 223
29 қаңтарда – Физика пәні бойынша олимпиада, басталуы сағат 14:30
Кабинеттер: № 205, 207, 209, 210, 222, 223

Тіркелу abitu.net/event/3391/event сайты арқылы жүргізіледі (№165 лицейде тіркелген РФММ оқушылары олимпиаданы РФММ-де жазады).

Шығыс физика-математика олимпиадасы 2019 жылдың «Физтех» олимпиадасының іріктеу кезеңдерінің бірі болып табылады. Олимпиаданың жеңімпаздары мен жүлдегерлері атанған 9-11 сынып оқушылары «Физтех» олимпиадасының қорытынды кезеңіне қатысу құқығын иеленеді, қорытынды кезеңнің жеңімпаздары мен жүлдегерлері қабылдау кезінде келесі ерекше құқықтарға ие болады: оқушылар олимпиадасының бейініне сәйкес келетін дайындық бағыттары,мамандықтары бойынша қабылдау сынақтарынан өтпейді; оқушылар олимпиадасының бейініне сәйкес келетін пән бойынша ЕГЭ (Бірыңғай мемлекеттік емтиханынан) 100 ұпай алуға құқылы.

Әрбір жоғары оқу орны әр түрлі деңгейдегі олимпиадаларының жеңімпаздары мен жүлдегерлеріне ереше құқықтардың қайсысын ұсынатындығын анықтайды, сондай-ақ олимпиада бейінінің дайындық бағыттарына және мамандықтарға сәйкестігін белгілейді.

Оқушылардың тиісті пән бойынша белгіленген деңгейден төмен болмайтын ЕГЭ (Бірыңғай мемлекеттік емтихан) нәтижелері бар болған жағдайда, олар соңғы 4 жыл ішінде олимпиаданың қорытынды кезеңінің жеңімпаздары мен жүлдегерлері болған жағдайда ғана ерекше құқықты қолдана алады. Жоғары білім беру ұйымдары өз бетімен кемінде 75 ұпай мөлшерінде, көрсетілген ұпай санын белгілейді.

Есептелетін олимпиадалар және 2019 жылы МФТИ-ге түсу кезінде ұсынылатын ерекше құқықтар туралы толығырақ ақпарат МФТИ қабылдау комиссиясының ресми бетінде жарияланған.

Қорытынды кезеңге қатысу үшін бөлек тіркелу қажеттілігіне назар аударыңыз, бұл тіркеу олимпиадаға бір апта қалғанда аяқталады. Толығырақ ақпаратты olymp.mipt.ru сайтынан таба аласыз.

Сондай-ақ Шығыс олимпиадасы МФТИ талапкерлерінің кадастрына ұпайлар береді және МФТИ-ге түскен кезде жеке жетістіктер үшін ұпайлар қоса алады.

Шығыс олимпиадасына 8-11 сынып оқушылары қатыса алады. Төменгі сынып оқушылары 8 сыныптың тапсырмаларын орындауы мүмкін