Астротурнирден алтын жүлде

2023 жылдың 26-31 қазан айы аралығында Бөбек Ұлттық ғылыми-практикалық және сауықтандыру орталығында мектеп оқушыларының арасында М. Әбділдин атындағы «Адам, Жер, Ғалам»  Қазақстандық астротурнирі өтті. Турнирге еліміздің 11 облысынан 17 топ қатысты.

Астротурнир мақсаты жас астрономдардың аспан әлемін зерттеуге қызығушылықтарын арттырумен қатар, ғылымды насихаттауға, астрофизика астрономия бойынша білімдерін шыңдауға бағытталған. Астротурнирда мектеп оқушылары астрономия бағытындағы жеке топтық күрделі зерттеулер мен ғылыми жобалары бойынша өз шешімдерін дәлелді ұсынып, оларды астрожарыстарда ғылыми пікірталас ретінде  қорғайды.

Осы беделді байқауда РФММ оқушылары ең көп ұпай жинап, алтын жүлдеге ие болды. Жеңімпаз команда оқушылары: топ капитаны Кылышбек Уалихан (11А сыныбы), Суннатов Заңғар (9G сыныбы), Күнғожина Ғазиза (10А сыныбы), Сабыржан Жанайым (10А сыныбы), Әлішер Диас (8D сыныбы).

РФММ ұжымы балаларды, физика пәнінің мұғалімі мен топ жетекшісі Кисыков Елдосты лайықты жеңісімен құттықтайды, сонымен қатар оларға ғылыми кеңес берген ф.-м.ғ.к Туреханова Кундыз Моминкызына алғыс білдереді. Мұндай беделді жарыста жеңіске жету тек команданың ғана емес, бүкіл РФММ жетістігі. Сіз басқа оқушыларды астрономия мен ғылымға қызығушылыққа шабыттандырып ынталандырасыз.