«Жігіт Сұлтаны-2022»
25 ақпанда Алматы РФММ 50 жылдығына орай «Жігіт сұлтаны-2022» байқауы өтті. Серілер сынына білекті де жүректі 11 жігіт қатысып, мықтылықтарын танытты.
Таныстыру кезеңінде жігіттердің білім, біліктілігі, сөз саптау, сөйлеу мәнері сыналды. Қатысушылар өзін, ата-тегін, өскен жерін дүйім жұртқа таныстырды. Бұл кезеңде шаршы топтың алдына шығып тосылғандар да болды, арыны қатты ақындар да болды.
Байқаудың екінші кезеңінде жігіттер өз өнерлерін паш етті. Бірі мәнерлеп оқыса, бірі ұлттық аспаптың құлағында ойнады, бірі көрініс көрсетті. Келесі «Сұрақ-жауап» кезеңінде үміткерлеріміз «Жеті қазына», «Бес асыл іс» және салт-дәстүрлер туралы сұрақтарға сүрінбей жауап берді.
Сайдың тасындай сап түзеген сайыпқырандар сайыстың төртінші кезеңінде ләңгі тебу ұлттық ойынына қатысты. Үміткерлердің бұл сынағы да тартысты болды. Бұл кезеңде 8 «М» сыныбының намысын қорғап келген Ерік Бейбарыс жолда қалдыратын жігіт табылмады. Жастайынан спортпен айналысатын ол ләңгіні 29 мәрте теуіп, қарсыластарынан оқ бойы озық шықты.
Ауыз толтырып айта кететін жайт – бұл таланды тартысқа өзге ұлт өкілдерінің қатысқаны. Тишкин Яромир және Быстрицкий Матвей атты қатысушыларымыз барлық кзееңдерде тек қазақша сөйлеп, көпшілік көзайымына айналды. Жігіттердің бұндай батыл қадамға баруы бізді қуантты. Быстрицкий Матвей өнер сайысында атақты «Дос-Мұқасан» ансамблінің «Той жыры» әнін гитараның сүйемелдеуімен орындап, көрермендердің көңілін көтерді.
Төрт кезең бойынша өткен сайыста 8 «А» сыныбының серісі Амангелдин Заңғар «Жігіт сұлтаны-2022» атанды. Оған арнайы дайындалған «Жігіт сұлтаны – 2022» алтын белдігі табыс етілді.
Тәуелсіз елдің ұландары осылайша мықтылықтарын танытып, «Жігіт сұлтаны» деген атқа лайық екендіктерін дәлелдеді.
- Амангелдин Заңғар 8 «А» – «Жігіт сұлтаны-2022»
- Қдырбаев Әбілмансұр 8 «В» – «Сері жігіт»
- Атамкул Жалгас 8 «С» – «Талантты жігіт»
- Боранбаев Ерасыл 8 «G» – «Жалынды жігіт»
- Қамытбек Дулат 8 «Н» – «Алғыр жігіт»
- Ерік Бейбарыс 8 «М» – «Сегіз қырлы, бір сырлы»
- Тишкин Яромир 8 «D» – «Шебер жігіт»
- Кайназаров Райыс 8 «Е» – «Сымбатты жігіт»
- Жәнібек Дінмұхамед 8 «F» – «Көрермендер көзайымы»
- Адамбеков Мате 8 «К» – «Дарынды жігіт»
- Быстрицкий Матвей 8 «L» – «Өнерлі жігіт»
Сізге қызықты болуы мүмкін өзге де жаңалықтар:
7-сыныптарға арналған конкурстық іріктеу нәтижесі туралы ақпарат
2026 жылғы 25 сәуірде «РФММ» КеАҚ-тың Астана және Алматы қалаларындағы филиалдарының 7-сыныптарына мемлекеттік білім беру гранты негізінде оқушыларды қабылдау бойынша конкурстық іріктеу өткізілді….
7-сыныптарға арналған білім беру гранты бойынша «РФММ» КеАҚ филиалдарына конкурстық іріктеу туралы ақпарат
2026 жылғы 25 сәуірде «РФММ» КеАҚ-тың Астана және Алматы қалаларындағы филиалдарының 7-сыныптарына білім беру гранты негізінде оқушыларды қабылдау бойынша конкурстық іріктеу өткізілді. Конкурстық…
РФММ оқушысы Батырхан Бейганов Балқан математика олимпиадасының қола жүлдегері атанды
Алматы қаласы РФММ оқушысы Батырхан Бейганов Грекияның Салоники қаласында өткен 43-ші Халықаралық Балқан математика олимпиадасында (BMO-2026) қола жүлдегер атанды. BMO – аймақтағы ең…
FIZMAT STEM Lab: English Edition жазғы мектебіне жазылыіыз!
Құрметті достар! Сіздерді FIZMAT STEM Lab: English Edition жазғы мектебіне қатысуға шақырамыз! Қатысу шарттары: Ағылшын тілі бойынша онлайн тест тапсырыңыз. Нәтиже 50% және одан жоғары…
Хабарландыру
Республикалық физика-математика мектебінің 7-сыныбына оқуға түсу үшін білім беру грантын алу мақсатындағы конкурстық іріктеу емтиханы 2026 жылғы 25 сәуір күні Қазақстанның аталған қалаларында…
Қабылдау емтиханы туралы ақпарат
Республикалық физика-математика мектебінің 7-сыныбына оқуға түсу үшін білім беру грантын алу мақсатындағы конкурстық іріктеу емтиханы 2026 жылғы 25 сәуірде өтеді. Тіркелу және емтихан…
Қазақстан математиктерінің Тұңғыш конгресі өтті
Қазақстан математиктерінің Тұңғыш конгресі өтті! Шымкент қаласы еліміздің ең үздік математиктері мен ғалымдарының басын қосқан ғылым орталығына айналды. Бұл ауқымды шара — отандық…
Астанада АТМО және «Жібек жолы» халықаралық олимпиадалары өтті
Астана қаласында халықаралық математикалық олимпиадалар — XXXVIII Азия–Тынық мұхиты математикалық олимпиадасы (АТМО) және «Жібек жолы» халықаралық математикалық олимпиадасы өтті. АТМО қорытындысы бойынша Республикалық…
«Математикалық регата — 2026»: РФММ командасы I орын иеленді
2026 жылы өткен «Математикалық регата» республикалық олимпиадасының қорытындысы бойынша «РФММ» командасы үздік нәтиже көрсетіп, I орынды иеленді. Аталған беделді білім додасына «Республикалық физика-математика…
Алматы РФММ тренері бағдарламалаудан халықаралық чемпионаттың жүлдегері атанды
Алматы қаласындағы РФММ-нің информатика пәні бойынша жаттықтырушысы Қуанышбай Айбар спорттық бағдарламалау бойынша Central Asia Programming Championship 2026 халықаралық чемпионатында II орын иеленді. Жарыс…













