Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу

✅ Мемлекет басшысы Қазақстан халқына Жолдауында білім беру саласын дамытуға ерекше назар аударды.

Президент атап өткендей, экономиканы жан-жақты жаңғырту ең алдымен адам капиталын дамытуға байланысты. Бұл ретте білім саласының маңызы айрықша.

«Келешек мектептері» ұлттық жобасы аясында жоспарланған 217 мектептің 150-і іске қосылды, қалғаны алдағы үш айда пайдалануға беріледі.

Жасанды интеллектіні меңгеру құзіреті мектеп қабырғасынан бастап қалыптастырылуы тиіс. Ол үшін оқушыларға арналған арнайы бағдарлама әзірленіп, ұстаздар жаңа технологияларды игереді.

«Qazaq Digital Mektebi» – қашықтан оқытуға және жасанды интеллект технологиясына негізделген шағын жинақты мектеп үлгісі. Жоба ауыл оқушыларына сапалы білім алуға жол ашады.

Балаларды дамыту орталықтарын жеке инвестициялар есебінен ашу тәжірибесін барлық өңірге тарату қажет. Әкімдер кәсіпкерлерді мұндай жобаларға белсенді тартуы тиіс.

‍‍ «РФММ» КеАҚ Алматы, Астана және Орал филиалдарының педагогтері де Жолдауды тікелей эфирден тыңдап, Мемлекет басшысы айқындаған басты басымдықтармен танысты.