Токиодағы 2020 жылғы жазғы Паралимпиада ойындарының күміс жүлдегерімен кездесу

Алматы РФММ-де Токиодағы 2020 жылғы жазғы Паралимпиада ойындарының күміс жүлдегері, дзюдошы Дәулет Теміржанмен кездесу өтті.

Дәулет Теміржан ­­­­­­­‒ парадзюдодан халықаралық дәрежедегі спорт шебері, 2018 жылғы Азия Пара ойындарының қола жүлдегері, 2019 жылғы IBSA Дүниежүзілік ойындарының күміс жүлдегері, 2019 жылғы Азия чемпионатының жеңімпазы.

2021 жылы 28 тамызда Теміржан Дәулет 2020 жылы Токиода өтетін жазғы Паралимпиадалық ойындарының финалында Өзбекстан спортшысы Фируз Саидовтан ұтылып, 2020 жылғы Паралимпиаданың күміс медалін алды.

Кездесу барысында Олимпиада жүлдегері РФММ оқушыларының сұрақтарына жауап бере отырып, жеңіске жету жолында аянбай еңбек ету керек екенін, ешқашан берілмеу керектігін жеткізді. Белгілі бір спорт түріне қызығушылық танытып жүрген оқушыларды бұл кездесу жетістікке, спортта бірінші болуға және жеңістермен сенімді қадам жасауға шабыттандырды.

Теміржан Серікұлына уақытын бөліп, тәжірибесімен бөлісіп қайтқаны үшін алғысымызды білдіре отырып, жаңа жеңістер тілейміз!