Физика апталығындағы өткен кездесу

Ғылым әлемі шексіз. Сол әлемнің ішінде өтіп жатқан ғаламат өзгерістерді түйсініп білу үшін Республикалық физика-математика мектебінің жоғары сынып оқушылары ҚазҰУ-нің профессоры, физика-математика ғылымдарының докторы, Қазақстан Республикасының Ғылым академиясының мүше-корреспонденті Абишев Медеу Ержанұлының дәрісін тыңдады. Кездесуге мұрындық болған физика пәнінің мұғалімі «Қазақстанның еңбек сіңірген ұстазы» Сабыр Тұяқбаев.

«Физиканың қазіргі жетістіктері» туралы келелі, мазмұнды, оқушыларға бағыт-бағдар беретін физика ғылымының жетістіктері және болашақта дамитын салалары жөнінде жан-жақты мағлұмат берілді.

Космология, кванттық гравитация, экзопланеталар, ғарыштық технологиялар, кванттық теория, кванттық технологиялар сияқты тақырыптар кездесудің өзегі болды. Оқушылар зор ықыласпен тыңдап, сұрақтар қойды, өздерін ойландыратын мәселелер туралы пікірлермен бөлісті.