Алматы РФММ түлектеріне аттестат тапсырылды

2022 жылдың 14 маусымы Алматы РФММ түлектері үшін ерекше күндердің бірі. Бұл күні мектеп акт залында 2022 жылғы мектеп бітіруші түлектерге жалпы орта білім туралы аттестаттарын табыстауға арналған салтанатты іс-шара өтті.

Биыл Алматы РФММ-нен үлкен өмірге 180 түлек аяқ басқалы тұр. Олардың қатарында 7 түлек «Алтын белгі» иегері, 53 түлек «Үздік аттестат» иегері атанды. Түлектерді мектеп бітіруімен құттықтап, «Алтын белгі» төсбелгілерін, үздік аттестат және аттестаттарды РФММ КеАҚ Басқармасының төрағасы Калиев Р.С., РФММ Қамқоршылық кеңесінің мүшесі Оспанов Б.Н., Алматы РФММ директорының міндетін атқарушы Кәрім А.Т. және директордың оқу-тәрбие ісі жөніндегі орынбасарлары табыстады.

Құрметті түлектер, Сіздерді мектепте алған білімдеріңізді арттырып, еліміздің дамуына зор үлес қосады деген сенімдемін. Сіздерге зор денсаулық, сарқылмас шабыт, жаңа жеңістер, сәттілік пен толағай табыстар тілеймін! Ақ жол!