РФММ Алматы Ашық есік күнін өткізді

2023 жылдың 1 қарашасында Алматы қаласының Республикалық физика-математика мектебінде қала мектептерінің 5-6 сынып оқушылары мен олардың ата-аналарына арналған «Ашық есік күні» және білім беру орталықтарының көрмесі өтті. Қонақтарға мектептің негізгі және жаңа ғимараты, стадион, «Zertte Studio», спорттық алаңдар, асхана, оқу кабинеттері, мұражай және акт залы бойынша экскурсия ұйымдастырылды.

Шараның негізгі бөлігі акт залында өтіп, мектеп директоры Меирбек Меирлан Едигерулы мектеп туралы баяндама жасап, оқуға қабылдау шарттары, қабылдау емтихандары және оқушыларға қолжетімді қосымша білім алу мүмкіндіктері туралы ақпаратпен бөлісті. Ата-аналар мен оқушылардың РФММ-ғе түсу үшін сұрақтар қойып, толық ақпарат ала алды.

Бағдарлама бойынша мектептің өзін-өзі басқару өкілдері, мектептің вице-президенті Ргымбай Нурай, информатика пәнінен олимпиада жеңімпазы Татаринов Даниил сөз сөйлеп, оқуы мен жетістіктеріне тоқталды. Математикадан олимпиада жүлдегері, халықаралық олимпиадалардың жүлдегері Аманжолов Амирлан және математикадан олимпиадалық резерв жаттықтырушы Мамышев Бахыт мектеп оқушыларының түрлі интеллектуалдық сайыстардағы жетістіктеріне тоқталды.

Қонақтардың алдында «Tesla Education», «Baiterek», «MetaStudy» және «Fizmat Academy» сияқты білім беру орталықтарының шақырылған өкілдері сөз сөйлеп, оқушыларды РФММ мектебіне қалай дайындайтыны туралы айтып берді.

Шара Алматы қаласының қосымша білім беру орталықтары өкілдері және  РФММ КеАҚ Басқарма Төрағасының Бірінші Орынбасары А.М.Күнғожиннің қатысуымен өткен дөңгелек үстелмен аяқталып, онда сынақ және қабылдау емтихандарын ұйымдастыру, олардың ерекшеліктерін талқылап, одан әрі ынтымақтастық туралы сөз қозғады.

Бұл шараның басты артықшылықтарының бірі оқушылар, мұғалімдер және мектеп ұжымымен қарым-қатынас жасау мүмкіндігі болды, олар өздерінің білімдері мен тәжірибелерімен қуана бөлісті. Ашық есік күнін ұйымдастыру мен өткізуге РФММ бүкіл ұжымы белсене қатысты, бұл келушілерге мектеп атмосферасын жақсырақ түсінуге және оның дайындық деңгейін бағалауға мүмкіндік берді.