РФММ алғашқы директорларының бірі Чернобай Александр Арсентьевич өмірден өтті

Қараша айының 14-ші жұлдызында Мәскеу қаласында 85 жасқа қараған шағында Чернобай Александр Арсентьевич өмірден озды.

Жүзінде көзқарасымен тәртіп талап ететін қатаңдық болғанымен, жанына жақын тартып сөйлескенде – жүрегінің мейірімі мен жылулығын шәкірттерімен бөлісетін нағыз ұстаз Александр Арсентьевич Республикадағы орыны мен мақсаты дара мектеп-интернаттың тарихында ең маңызды 1974-1991 жылдар аралығында түбірлі басқарушысы қызметін атқарды.

РФММ -ің киелі шаңырағында білікті мамандар ұжымын қалыптастырып, заманының жаңашыл ұстаздарының мектеп қабырғасында методикалық толағайлы өзгерістер енгізуіне мүмкіндігін ұйымдастырған ерекше директордың еңбек жолдары болашақ үшін ұлағатты мұра.

Оқу жылының әр таңында мектеп оқушыларын кіре берістен сабырлықпен күтіп алып, демалыс күндері интернатты аралап қадағалайтын жүйелі дағдысы көптеген жас ұрпаққа үлгі, өмірлік бағыт бағдары болғаны да ақиқат.