Алматы РФММ оқушылары 1С компаниясында тағылымдамадан өтті

Алматы РФММ «1С-САПА СЛАВА ВЦ» компаниялар тобының қолдауымен «Инфо Софт Пром» (1С Қазақстан) ЖШС-мен бірлесіп 9 сыныптардың оқушыларына халықаралық қатысумен ақылы тағылымдамадан өтудің бірегей мүмкіндігін ұсынды.

Алматы РФММ-де ұйымдастырылған байқау іріктеуінің нәтижелері бойынша 1 С компаниясына тағылымдадан өтуге келесі 8 оқушы шақырылды:

1. Авутов Руслан
2. Адилхан Санжар
3. Зуев Андрей
4. Макаров Артем
5. Огай Михаил
6. Рахматулла Бекмухамед
7. Сапа Артем
8. Сыздык Арнур.

Екі апта ішінде балалар «1С Кәсіпорын» платформасында қолданбалы шешімдерді әзірлеу бойынша практикум»  курсын өтті. Жұмыс барысында бәсекелестікті арттыру үшін оқушыларды екі командаға бөлді, әрбір командаға ұялы қосымшасы жасау үшін жобаны ойлап табу ұсынылды.

Тағылымдамадан өтушілер өздерінің жобаларын жасаудың бағыттарын өз бетімен таңдады. Бірінші команда «Салауатты өмір салтымен» байланысты бағытты таңдады, ал екінші команда «Нарықтық қарым-қатынасқа» байланысты бағытты таңдады. «Бизнеске арналған IT шешімдер» біліктілігіндегі  WorldSkills тәуелсіз сарапшысы Павел Чистов (8 Кәсіпорын; 1С платформасы бойынша әдіскер; 1С:ЦСО сертификациялаудан өткен ұстаз; 1С фирмасының №1 Оқу орталығының ұстазы, (Ресей, Мәскеу) тәлімгер ретінде қызмет етті.

2019 жылдың 21 маусымында жобаларды қорғау өтті. Тағылымдамадан өткеннен кейін оқушылар «1С Кәсіпорын» платформасында қолданбалы шешімдерді әзірлеу бойынша практикум»  курсынан өткендері туралы сертификаттарды, сондай-ақ ақшалай сыйақыны алды. Осыдан өзге тәлімгер тағылымдамадан өткен оқушылардың ерекше ойлау қабілетін атап өтті, оларға ынтымақтастықты жалғастыруды және аяқталған жобаларды тиісті ұялы қосымшаларға (Google Play Market) орналастыруды ұсынды.