Feb

«SCRUM Lego Almaty» тренингі

Ақпан айының басында РФММ интернат қабырғасында тәрбиеленушілері мен тәрбиешілеріне арналған «SCRUM Lego Almaty» атты бір күндік тренинг өтті. Тренингті EPAM Халықаралық IT-компаниясының Қазақстандық кеңсесі ұйымдастырды. SCRUM Lego Almaty тренингі “EPAM Kazakhstan” ЖШС басшылығының қолдауымен ақысыз негізде өтті. Іс-шараның демеушісі Физмат Эндаумент қоры болып табылды.

SCRUM туралы қысқа. Ол не?

Бұл тайм-менеджмент қағидаттарында құрылған жобаларды басқару әдіснамасы. Оның негізгі ерекшелігі процеске барлық қатысушыларды тарту болып табылады,және де әрбір қатысушының өзіндік рөлі бар. Бастапқыда Scrum әдісі IT-жобаларды әзірлеуге есептелгеніне қарамастан, бүгінгі күні ол басқа салаларда да қолданылады. Мысалы, Алфен – Ан-Ден-Рейн (Нидерланды) колледжінің химия және физика мұғалімі Вилли Вейнандс білім беру үдерісін басқаруға бағытталған eduScrum әдістемесін әзірледі.

Тренинг оқу залында сағат 11:00-ден 17:00-ге дейін өтті. Оған 8-11 сыныптардың 20 оқушысы және 6 тәрбиеші қатысты. Кіріспе дәрістен кейін қатысушылар 6 командаға бөлініп, “спринттер” өтті, олардың барысында олар LEGO конструкторының көмегімен түсірілуі тиіс фильмдерге арналған идеяны әзірлеп, фильмді өздері түсіру қажет болды. Әрбір “спринттен” кейін “ретроспектива” жүргізілді, оның барысында “өнім Тапсырыс беруші” және “скрам-мастер” әзірлеушілер командасымен бірге “спринт”кезінде процестің әрбір қатысушысының іс-әрекеттерін талқылады. Осылайша, әрбір келесі “спринт” кезінде қатысушылар өз көрсеткіштері мен өнім сапасын жақсарту мүмкіндігіне ие болды.

Іс-шараның мақсаты Scrum-әдістемені қолдану арқылы жұмыстың барлық кезеңдерін көрсету, конструктор көмегімен фильмді түсірудің қарапайым мысалын көрсету болды. Тренинг қатысушылары қызықты тәжірибе алды, ол болашақта оқу, жобаларды дайындау және жұмыс қызметі кезінде қандай да бір міндеттерді орындау кезінде оларға пайдалы болады деп үміттенеміз.

Іс-шара соңында қорытынды шығарылып, тренинг ұйымдастырушыларына алғыс хаттар, сондай-ақ Қордың Эндаументінен fizmat фирмалық кепкалары табысталды, ал интернат тәрбиеленушілері мен тәрбиешілері EPAM символикасы бар қатысу сертификаттары мен естелік сыйлықтарын алды.

“EPAM Kazakhstan” ЖШС командасына алғыс білдіреміз, атап айтқанда:

– ұйымдастырушылар Баедилова Анна мен Дауылбай Мәлік;

– аға жаттықтырушы Нұрмақанов Әнуар;

– бапкерлер Елтаев қымбат, Алифанов Родион, Чесноков Анатолий, Бузурманқұлов Махамбет, Пойда Николай және Губашев Айжан*.

“EPAM Kazakhstan” ЖШС басшысы Алексей Аксеновке компанияның білім беру жобаларына қосқан үлесі үшін жеке алғысымызды білдіреміз.

* Губашева Айжан 2010ж РФММ интернаттың түлегі және тәрбиеленушісі болып табылады .