«Үздік сынып жетекші—2024» байқауы басталды

Алматы қаласындағы Республикалық физико-математика мектебінде әр жыл сайын өткізілетін «Үздік сынып жетекші—2024» байқауы басталды.

Бұл байқау сынып жетекшілерді кәсіби тұрғыдан жетілдіру мен қызметінің беделін арттыру, озық педагогикалық тәжірибені тарату, сынып жетекшілердің жеке қабілеттері мен тиімді тәрбие технологияларын анықтау, сондай-ақ өзін-өзі шығармашылық тұрғыда дамытуы үшін жағдай жасау мақсатында өткізіледі.

Үздік сынып жетекші атағына үміткердің қызметін бағалауды мониторингтеу мынадай талаптартарға сәйкес жүзеге асырылады:

1. Ашық сынып сағатын өткізу.
2. Кемінде бір жалпы мектептік іс-шара өткізу.
3. “Сынып жетекшінің тәрбие іс-әрекетінің заманауи моделі” тақырыбы бойынша Мастер-класс.
4. “Менің көңілді әрі тату сыныбым” тақырыбындағы Портфолио (оқушылармен жұмысты ұйымдастыру және мектептің ата-аналармен өзара іс-қимылы).

Үміткер сынып жетекшілер: Абихасимова Динара Куандыковна, Сайлауханқызы Зарина, Серикбаева Шынар Байтуяковна, Абельпейсова Алия Мейркановна.