IMO-2024 халықаралық математикалық олимпиадасында күміс медаль

Ағымдағы жылдың 14-22 шілде аралығында Ұлыбританияның Бат қаласында IMO-2024 65-ші халықаралық математикалық олимпиадасы өтті. Биыл 110 елден 600-ге жуық оқушы қатысты. Қазақстан құрамасынан алты оқушы және екі жетекші барды.

Халықаралық математикалық олимпиада аясында оқушылар екі күн ішінде алты есеп шешті. Тапсырмалар мектептің математика сабақтарының  әртүрлі салаларын қамтыды: геометрия, сандар теориясы, алгебра және комбинаторика.

Біздің оқушылардың нәтижелері:

– Әмірлан Аманжолов, 10 сынып – күміс медаль;

– Дінмұхамед Егеубаев, 10 сынып-мақтау грамотасы.

Естеріңізге сала кетейік, Халықаралық математикалық олимпиада (IMO — International Mathematical Olympiad) — жоғары сынып оқушылары арасында математикадан жыл сайынғы әлем чемпионаты. Жарыс 1959 жылдан бері өткізіліп келеді. Қазақстан құрамасы биыл бес медаль жеңіп алды: екі күміс және үш қола.