Бүгін біз сүйікті Республикалық физика-математика мектебіміздің 52 жылдық туған күнін атап өттік!

Бүгін біз сүйікті Республикалық физика-математика мектебіміздің 52 жылдық туған күнін атап өттік!

Бұл күннің ерекшелігі — дәстүрлі торттар байқауы мен “Күзгі науқан” қайырымдылық жәрмеңкесі бір күнде өткізілді!

Бұл күн бәріміздің басымызды қосып, жылулыққа, қуанышқа және шығармашылыққа толы нағыз ерекше мереке болды!
Осындай айтулы күнде ардагер-ұстаздарымыз әдеттегідей қонақ болып келіп, жылы лебіздерін білдірді. Оларға физмат ата-аналары ізгі құрметтің белгісі ретінде гүл шоқтарын табыстады.✨

Біздің мектебіміз жыл сайын үлкендерге құрмет көрсету және қайырымдылық акцияларына ұжымның толық бір кісідей атсалысуы арқылы оқушылардың бойындағы адамгершілік, мейірім сынды қасиеттердің шыңдала түсуіне ықпал етеді. Мектепішілік жәрмеңкеде дастархан түрлі тағамға толды.

Торттар фестивальінде әр сыныптың өз тортын шексіз махаббатпен дайындағаны аңғарылады — әрқайсысы ерекше, терең мағыналы әрі ерекше безендірілген. ✨ Үзіліс уақытында түрлі викториналар мен сайыстар да болды. Сондай ақ, мектеп туған күніне орай өткен суреттер мен эссе байқауы, Fizmat Oscar байқауларына да оқушылар белсенді қатысты. Әр сынып ерекше өнері үшін марапатқа ие болып, әрбір жұмыс лайықты бағаланды!

Осы ұмытылмас күнге үлес қосқан барлық ата-ана мен оқушыға және ұстаздарға зор алғыс білдіреміз!
Туған күніңмен, сүйікті Физмат! Сен — біздің мақтанышымызсың!