РФММ — чемпиондар мектебі: Алматы РФММ – әлем чемпионатының күміс жүлдегері атанды!

2025 жылғы 2-6 тамызда АҚШ-тың Александрия қаласында мектеп командалары арасында шахматтан Әлем чемпионаты өтті.

Чемпионаттың басты ерекшелігі — әр команда бір мектептің оқушыларынан жасақталды.

Әлем чемпионатына 48 елден 55 команда қатысқан болса, Алматы қаласындағы Республикалық физика-математика мектебінің командасы 8 турдың қорытындысы бойынша екінші орынды иеленді!

Команда құрамында:

Эдгар Мамедов —ҚР ең жас гроссмейстері және команда капитаны

Иманғали Ахилбай — 8/8 Жеңіс

Зарина Нұрғалиева — жастар арасындағы әлем чемпионы

Даулет Алихан, Адижан Есенғали

Бұл — Алматы РФММ үшін Әлем чемпионатындағы екінші күміс медалі. Алғаш рет мектеп 2023 жылы Ақтауда өткен әлем чемпионатында  вице-чемпион атанған болатын.

Алматы командасының ойыншылары жекелей есепте де жарқын нәтиже көрсетті:

• Эдгар Мамедов — 1-тақта бойынша II-орын
• Иманғали Ахилбай — 2-тақта бойынша I-орын
• Зарина Нұрғалиева — 3-тақта бойынша III-орын

Сондай-ақ, РФММ Астана командасы да лайықты өнер көрсетті. Олар 2 және 3-орын алған командалармен бірдей ұпай жинап, тек қосымша көрсеткіштер бойынша төртінші орынды иеленді. Бұл – мықты деңгей мен шебер ойынның айғағы.

Біз сіздермен мақтанамыз!

Командаларды, тренерлерді және барлық мектепті осы тарихи жетістікпен құттықтаймыз!

Жаттықтырушылар мен ата-аналарға, команда капитаны Саят Егенбердиевке, Қазақстан шахмат федерациясына және Fizmat Endowment Fund-қа қолдау көрсеткені үшін алғысымызды білдіреміз!