РФММ мұғалімі Мемлекет басшысының марапатына ие болды

«РФММ» КеАҚ-ның Алматы қ. филиалының ардагер ұстазы Жәмішева Сәуле Абрашевна ҚР Президенті Қасым-Жомарт Кемелұлы Тоқаевтың қолынан «Қазақстанның еңбек сіңірген ұстазы» төсбелгісін алды.

Сәуле Абрашевна – сызу пәнінің білікті мұғалімі, бай тәжірибесі мен терең білімі бар ардагер ұстаз. Ол 1975 жылы ҚазКСР Білім министрлігінің жолдамасымен «РФММ»-ге мұғалім болып орналасқан.
1991–2012 жылдар аралығында директордың тәрбие ісі жөніндегі орынбасары; 2012–2013 оқу жылында интернат меңгерушісі қызметін атқарды. Бүгінде ол мектебімізде әдіскер ретінде жас ұрпаққа білім мен тәрбие беріп келеді.
Сәуле Абрашевнаның еңбегі мемлекет тарапынан жоғары бағаланып, көптеген марапаттарға ие болды. Оның ішінде:
– «Қазақ КСР Халық ағарту ісінің үздігі» төсбелгісі (1990, 2008);
– ҚР БҒМ Құрмет грамотасы (1994);
– «Ы. Алтынсарин» төсбелгісі (2007);
– «РФММ-нің үздік мұғалімі – 2012» атағы;
– «Қазақстан Республикасы Тәуелсіздігінің 25 жылдығы» мерекелік медалі (2016);
– Алматы қаласы әкімінің Алғыс хаттары мен Құрмет грамоталары;
– «Парасат», «Құрмет грамотасы» (2010) және тағы басқа марапаттар.
Ұстазымызды жаңа марапатымен шын жүректен құттықтай отырып, қажырлы еңбегіне, білімге деген адалдығына алғыс айтамыз!