РФММ-нің оқушылары мен ұстаздары «Шал» фильмін тамашалады

РФММ-нің жоғары сынып оқушылары, мұғалімдері және бірқатар ата-аналар Алматы қаласында өткен «Шал» қазақ көркем фильмінің арнайы көрсетіліміне қатысып, мазмұны терең, тағылымы мол кездесуге жиналды.

Бұл шара «Адал азамат» біртұтас тәрбие бағдарламасы аясында ұйымдастырылып, балалардың сапалы фильм көру, кітап оқуға қызығушылығын арттыру, ұлттық құндылыққа жақындатуды көздейді. Осындай кездесулер арқылы оқушыларымызды өз тарихын тануға, дұрыс әрі нақты сұрақ қоя білуге, талдай білуге, терең ойлануға баулуды мақсат етеміз. ✨

Көрсетілімнен кейін оқушылар алған әсерімен бөлісіп, кинорежиссер Ермек Тұрсыновқа және басты рөлді сомдаған киноактер Ерболат Тогузаковқа өз сұрақтарын қойып, ойларын ашық білдірді.

Бұл көрсетілім әркімнің бойында өзіне деген сенімді бекітіп, өз тегіне, өз тамырына деген сүйіспеншілікті жаңғыртты. Ақпарат тасқыны күшейген бүгінгі заманда салмақты туындылар балалардың құнды мәдени өнімді ажыратып, талғап таңдай білу дағдысын қалыптастырады.

Б.С.Қаниевтің бастамасымен әрі оның тікелей қатысуымен РФММ-нің үш мектебінде арнайы жоба бойынша жұмыс басталды. Бұл фильм көрсетілімі – оқушылардың жан-жақты дамуына, көркемдік талғамын қалыптастыруға, құндылықтық бағдарын нығайтып, адамгершілік ұстанымдарын бекітуге бағытталған іс-шаралар топтамасының бастауы. Осы бастаманың жалғасы ретінде театрларға, музейлерге және көрмелерге бару жоспарланып отыр.✨