Жаратылыстану-математикалық бағыттағы пәндер бойынша республикалық олимпиаданың нәтижелері

15 наурыздан бастап 20 наурызды қоса алғанда Жаратылыстану-математикалық бағыттағы пәндер бойынша республикалық олимпиада өтті. Бүкіл Қазақстаннан ең үздік 832 оқушы өздерінің білімдері мен қабілеттерін көрсетуге келді. Осы жылы Республикалық олимпиаданы өткізу мәртебесі Ақтөбе қаласына берілді, мұнда ол алғашқы рет өткен болатын. Жыл сайын олимпиада өркендей береді,  бәсекелестік өседі, ал есептер одан әрі күрделі де қызықты болады.

Біздің мектеп Республикалық олимпиадаға оның негізі қаланған сәттен бастап қатысады. Осы уақыт ішінде көптеген біздің олимпиадашылар мектептің намысын қорғап, көптеген медалдарды жеңіп алды. Осы жылы Алматы РФММ оқушылары 8 алтын, 10 күміс және11 қола медаль алды. Тек жалғыз мектеп осыншама көп медалді жеңіп алды.

Ұйымдастырушылардың пікірінше, олимпиадаға біздің елдің болашақ бетке ұстар азаматтары қатысады. Бұл адамдардың асқақ мақсаттары бар, олар өздеріне жоғары талап қояды, оларды қызықтырған кез кезген іске жауапты қарайды, өз мақсаттарына мұқият көңіл бөледі, оларға жетудің дұрыс бағытын біледі, физикалық және психологиялық үлкен шыдамдылықты иеленеді. Кемшіліктер орын алған жағдайда да, олар еңсесін түсірмейді, өзінің сүйікті ісімен шұғылдануды жалғастырады және күрделі ұзақ дайындықтан кейін, біршама күш-жігерін жұмсап, орасан зор нәтижелерге жетеді.

Олимпиадашылардың өздері үшін бұл өз күштерінің ең қызықты сынағы болып табылады, ол сондай-ақ олардың өмірлерінің маңызды сатыларының бірі болып келеді. Турлардан және апелляциялардан кейінгі еліктіргіш сезім, барлық әсерлі сәттер нағыз жеңімпаздардың рухын шыңдайды!!!