NEERC — Northern Eurasia Finals бағдарламалау бойынша чемпионат финалының нәтижелері

1-2 желтоқсанда Солтүстік Еуразия (ICPC 2018-2019, NEERC — Northern Eurasia Finals) аймағының бағдарламалау бойынша чемпионатының финалы өтті, оған ТМД барлық университеттерінен 318 команда қатысты. ХАТУ университетінің командасы І дәрежелі дипломды жеңіп алды! ІІ орынды ҚБТУ, ІІІ орынды Назарбаев Университеті, Орта Азия Американдық Университеті, Ташкент ақпараттық технологиялар университеті алды.

IITU командасының құрамына келесі студенттер кірді: Темірлан Сатылханов, Абай Баймұқанов, Айбар Қуанышбай. Алғаш рет қатысушылар 13 есептен 8 есепті шешіп, Солтүстік Еуразия аймағының алтын медалін жеңіп алды, Орта Азияның чемпиондары, Қазақстан чемпиондары атанып, сәуірде Португалияда өтетін әлемдік финалға өтті.

Біз Темірлан РФММ оқушыларын жаттықтыратынын, ал Абай мен Айбар 2018 жылдың РФММ түлектері болып табылатынын мақтан тұтамыз және олардың жетістіктеріне қуаныштымыз.

ХАТУ оқушыларды тек спорттық бағдарламалауға бірігіп дайындаудағы серіктес қана емес, ол сондай-ақ білім берудің басқа да қырларында жақсы дос ретінде көмек көрсетеді. 2009 жылы университеттің негізі қаланды, алайда осыншама қысқа уақыт ішінде ол білім нарығында жоғары бағаны иеленді.

Ақпарат үшін осы жылы Қазақстанның атынан екі команда барады, бұл өз ретінде ерекше жағдай болып табылады. Екінші орын алған ҚБТУ командасының мүшелері Нұрлан Жусупов пен Алан Аманов сондай-ақ РФММ түлектері болып табылады.

Біздің түлектер Қазақстанға тағы да жеңіс әкеледі деген сенімдеміз. Болашақ бастамаларында табыс тілейміз!

https://neerc.ifmo.ru/archive/2018/standings.html?fbclid=IwAR1GYuqrzcF1K2SkBb0z_K1rpGqVR_iv9isSNk76_qLn1ISX7Tjq4MLL7eM