Балкан математикалық олимпиадасының нәтижелері

2018 жылдың 7 мамырынан бастап 11 мамырын қоса алған мерзім ішінде Белград қаласында (Сербия) 35 Балкан математикалық олимпиадасы (BMO) өтті, оған келесі 17 елден 107 оқушы қатысты: Болгария, Румыния, Сербия, Түркия, Қазақстан, Грекия, Сауд Арабиясы, Молдова, Италия, Англия және басқа да елдер.

Олимпиаданың нәтижелері бойынша Қазақстан құрама командасы 2 алтын, 1 күміс, 2 қола медалді жеңіп алды, бейресми командалық есепте 5 орын алды. Қазақстан құрамасының құрамында «РФММ» КеАҚ-ның екі оқушысы болды: Аманбаева Аружан (күміс медаль, 34 балл), Нарбаев Бақдәурен (құрмет грамотасы, 12 балл).

Жеңімпаздарды құттықтаймыз!

Қазақстан ВМО-ға үздіксіз 2004 жылдан бастап қонақ ел ретінде үздіксіз қатысады. Олимпиада ҚР БҒМ Халықаралық олимпиадалардың тізбесіне енгізілген, іс-сапарды «Дарын» РҒПО қаржыландырады. Аталған олимпиаданың арқасында құрама математиктердің басты жарысы – Халықаралық математикалық олимпиаданың (IMO) алдында баға жетпес тәжірибе алады.