Химия пәні бойынша 50-ші Халықаралық олимпиаданың нәтижелері (IChO-2018)

Тағы бір жағымды жаңалық: РФММ 11 сынып оқушысы Жәнібек Бекхожин Химия пәні бойынша 50-ші халықаралық олимпиаданың (IChO-2018) күміс медалін жеңіп алды, ол 2018 жылда Қазақстан құрамасында ең үздік нәтиже көрсетті. Осы жылы IchO мерейтойлық олимпиадасы әлемнің 76 мемлекетінен ең үздік оқушыларды жинады және 19 шілдеден бастап 29 шілдені қоса алған мерзімде Словак Республикасында және Чех Республикасында өтті.

Жәнібек өзінің 52-ші Менделеев олимпиадасындағы нәтижесін қайталап, физмат оқушыларының кезекті жеңістерін жалғастырды.

Сөзсіз Жәнібек ерекше олимпиадашы болып табылады, ол өзінің «олимпиадашы» ретіндегі қиын жолын математик ретінде бастаған. Ол облыстық олимпиадалардың жүлдегері болып, Математика пәні бойынша республикалық олимпиаданың қорытынды кезеңіне дейін жетті. Алайда тек 10 сыныпта ол өзін химик ретінде танып, мектепке, еліне және әлемге Жәнібек тамаша химик екенін көрсетті. Жәнібекті құттықтаймыз және оған одан әрі жеңістер тілейміз.

Жәнібек дайындық курсынсыз Назарбаев университетінің «Химия» мамандығы бойынша бірінші курсқа түскенін атап өтеміз және ол Қазақстанда ғылымның дамуына өз үлесін қосуды қалайды.