Абыройлы еңбекпен – құрметті зейнетке

Алматы РФММ ұжымы әріптесі, ұлағатты ұстаз, техника ғылымдарының кандидаты, математика пәнінің мұғалімі Байсуйеуева Жанат Нурлыбаевнаны құрметті еңбек демалысына шығарып салды.

Нағыз ұстаз болу – бақыт әрі абырой. Бұл жолда Жанат Нурлыбаевнаның еңбегі еселі. Білім ордасында 1992 жылдан бері еңбек еткен  ұстазымызды әріптестері де айрықша құрмет тұтады.

Салтанатты жиында мектеп әкімшілігі, әріптестері құттықтау сөздерін айтып, мектеп беделінің биік болуына үлес қосқаны үшін алғысын білдіріп, жеке құрам атынан құрмет көрсетті.

Жанат Нурлыбаевнаның ел игілігі жолында атқарған атқарған ісі көпке үлгі. Көпжылдық еңбек өтілінде ол бірнеше марапатқа ие болып, көптеген жетістікке қол жеткізді. Ұстазымыздың атына берілген «Қазақстан Республикасының Білім беру ісінің құрметті қызметкері» , Ы.Алтынсарин атындағы төсбелгілері сөзіміздің айқын дәлелі.

Біз Жанат Нұрлыбаевнаға еңбек сіңірген демалыстың қуанышты, тыныш, бірақ жемісті және белсенді болуын тілейміз!