Президент қазақстандық әлем чемпиондары — шахматшылармен кездесті

Президент Қасым-Жомарт Тоқаев жас шахмат чемпиондарымен кездесіп, олардың Қазақстанның халықаралық аренадағы спорттық беделін арттырудағы рөлін ерекше атап өтті. Кездесуге қатысқандардың қатарында — 16 жасқа дейінгі жасөспірімдер арасында шахматтан әлем чемпионы атанған Эдгар Мамедов, Алматы қаласындағы РФММ оқушысы бар. ♟️

Мемлекет басшысы жас спортшылардың жетістіктері елдің шахматтағы болашағының зор екенін көрсететінін айтып, оларды үлкен мақсаттар қоюға және жаңа жеңістерге ұмтылуға шақырды.

«Шахмат — ұлы өнер. Сондықтан онымен күн сайын тиянақты, арнайы кітаптар оқи отырып шұғылдану қажет», — деді Президент.

Кездесу соңында Қасым-Жомарт Тоқаев шахмат тақтасына естелік жазу қалдырды. Сондай-ақ, чемпиондарға Ақорда резиденциясында арнайы экскурсия ұйымдастырылды. ️

РФММ оқушысы Эдгар Мамедовпен мақтанамыз! Ол алдағы жарыстарда да биік белестерді бағындыратынына сенімдіміз.