НҰРЫ ПЕЙІШТЕ ШАЛҚЫҒАЙ

Республикалық физика-математика мектебінің ұжымы Ерғазиева Күнсая Ермекқызының туыстары мен жақындарына көңіл білдіреді.

Күнсая Ермекқызы Әл-Фараби атындағы ҚазҰУ-ін журналистика мамандығы бойынша бітірген. Сондай-ақ Оңтүстік Қазақстан педагогикалық университетінде “Педагогика – психология” мамандығы бойынша білім алған. Ол “Алматы ақшамы”, “Ақ желкен” газеттерінде журналист болып жұмыс істеп, ҚР Журналистер Одағының мүшесі болған. 2015 жылы ол Алматы қ. РФММ интернатына тәрбиеші болып жұмыс істеуге келіп, бірден мектеп қызметіне белсене қатысты. Күнсая Ермекқызы “Педагогикалық идеялар фестивалі” Республикалық байқауына қатысқан, “Рухани жаңғыру” мектеп үйірмесінің жетекшісі болған, интернат тәрбиеленушілері үшін түрлі тренингтер өткізіп, экскурсиялар мен басқа да іс-шаралар ұйымдастырған. Осы 2020-21 оқу жылында 10 “Б” сыныбының тәрбиешісі болған.

Күнсая Ермекқызының білім саласындағы жетістіктері тек РФММ басшылығының алғыс хатымен ғана емес, ҚР білім және ғылым министрлігінің алғыс хатымен марапатталған.

Жатқан жері жайлы, иманы саламат болсын.