Мәңгі есімізде

Республикалық физика-математика мектеп ұжымы математика пәнінің мұғалімі Саяқова Бибігүл Мұратбекқызының мезгілсіз қаза табуына байланысты жақындары мен туыстарына қайғырып көңіл айтады.

Бибігүл Мұратбекқызы РФММ-де 1997 жылдан жұмыс істеді. Математика кафедрасының меңгерушісі, оқу-тәрбие ісі бойынша директордың орынбасары міндетін атқарды.

Бибігүл Мұратбекқызы РФММ-де жаңартылған білім мазмұнын енгізу мен жүзеге асыруда атқарған еңбегі өлшеусіз еді.

Оның еңбегі ҚР математика пәнін оқытып, дамытуға елеулі үлес қосты. Математика пәнін оқыту әдістемесі бойынша педагогика ғылымдарының кандидаты, мұғалімдерге арналған «9-сыныптағы геометрия» оқу құралының авторы, сондай-ақ «Математика және физика», «Репетитор», «ФизМат», «Физмат Ревью» ғылыми-әдістемелік журналдарында жарияланған жиырмадан аса мақала авторы.

Бибігүл Мұратбекқызы өз шәкірттеріне тек математика пәнін оқытып қоймай, адамгершіліктің, мейірім мен жан тазалығының үлгісі бола білді, әрбір баламен жеке дара жұмыс жасап, оның бойындағы дарындылықты тани білуі, оның еркін ойлауын құрметтей білуі  РФММ түлектерінің мәңгі есінде қалары сөзсіз.

Бибігүл Мұратбекқызының еңбегін мемлекет те жоғары бағалады: «ҚР үздік педагогі», «ҚР Білім саласының құрметті қызметкері», Ы.Алтынсарин төсбелгісінің иегері.

Өз кәсібінің үздік маманы, ерекше талант иесі, қарапайым да сыйлы бола білген Бибігүл Мұратбекқызы өзі еңбек еткен ұжымы, шәкірттері, достары мен жақындарының жүрегінде мәңгілік қалары сөзсіз.

РФММ ұжымы ерекше мұғалімге қатты қайғырады. Оның жарқын жүзі мәңгі есімізде қалады!