Asia Pacific Open Championship халықаралық чемпионатында FIRST Tech Challenge категориясы бойынша жеңіс

Ағымдағы жылдың 11 – 14 ші шілде аралығында робототехника бойынша Австралияның Сидней қаласында “Masquarie”университетінде чемпионат өтті. Аталмыш жарыста Қазақстанның «Sana Team» кұрамасы FIRST Tech Challenge категориясы бойынша Asia Pacific Open Championship халықаралық чемпионатының жеңімпазы атанды.

Еліміздің мәртебесін Республикалык физика-математика мектебі мен “ Білім-инновация” лицейінің 11- сынып окушылары: Жанайым Сабыржан, Күнғожина Ғазиза, Дарын Смайыл, Арнар Дәулетқұл, Әділ Турсынгали, Аббас Пахридин, Осман Акипбек, Асылхан Ыбырай, Ілияс Эшіралин, Алдияр Деулетұлы қорғады. Біздің мектебімізден Жанайым Сабыржан, Күнғожина Ғазиза қатысты.

Ауқымды жарысқа 11 елден барлығы 400-ге жуық бала қатысты. Шешуші кездесуде Қазақстандық мектеп оқушылары БАӘ командасымен одақтасып, жеңіске жету үшін күресті. Екі күннің қорытындысы бойынша окушылар екі марапатка ие болды: Finalist Alliance Captain және “Motivate Award” номинациясында жүлделі бірінші орын.